헬라어 문장 검색 - Γαλεν́ΟντηεΝά1́10́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 10)

δοκῶ γάρ μοι δείξειν τὰ περὶ τὴν τῆσ τροφῆσ οἰκονομίαν ὄργανά τε καὶ τὰσ δυνάμεισ αὐτῶν διὰ ταύτην γεγονότα. ἐπειδὴ γὰρ ἡ ἐνέργεια ταύτησ τῆσ δυνάμεωσ ἐξομοίωσίσ ἐστιν, ὁμοιοῦσθαι δὲ καὶ μεταβάλλειν εἰσ ἄλληλα πᾶσι τοῖσ οὖσιν ἀδύνατον, εἰ μή τινα ἔχοι κοινωνίαν ἤδη καὶ συγγένειαν ἐν ταῖσ ποιότησι, διὰ τοῦτο πρῶτον μὲν οὐκ ἐκ πάντων ἐδεσμάτων πᾶν ζῷον τρέφεσθαι πέφυκεν, ἔπειτα δ’ οὐδ’ ἐξ ὧν οἱο͂́ν τ’ ἐστὶν οὐδ’ ἐκ τούτων παραχρῆμα, καὶ διὰ ταύτην τὴν ἀνάγκην πλειόνων ὀργάνων ἀλλοιωτικῶν τῆσ τροφῆσ ἕκαστον τῶν ζῳών χρῄζει. ἵνα μὲν γὰρ τὸ ξανθὸν ἐρυθρὸν γένηται καὶ τὸ ἐρυθρὸν ξανθόν, ἁπλῆσ καὶ μιᾶσ δεῖται τῆσ ἀλλοιώσεωσ· ἵνα δὲ τὸ λευκὸν μέλαν καὶ τὸ μέλαν λευκόν, ἁπασῶν τῶν μεταξύ. καὶ τοίνυν καὶ τὸ μαλακώτατον οὐκ ἂν ἀθρόωσ σκληρότατον καὶ τὸ σκληρότατον οὐκ ἂν ἀθρόωσ μαλακώτατον γένοιτο, ὥσπερ οὐδὲ τὸ δυσωδέστατον εὐωδέστατον οὐδ’ ἔμπαλιν τὸ εὐωδέστατον δυσωδέστατον ἐξαίφνησ γένοιτ’ ἄν. πῶσ οὖν ἐξ αἵματοσ ὀστοῦν ἄν ποτε γένοιτο μὴ παχυνθέντοσ γε πρότερον ἐπὶ πλεῖστον αὐτοῦ καὶ λευκανθέντοσ ἢ πῶσ ἐξ ἄρτου τὸ αἷμα μὴ κατὰ βραχὺ μὲν ἀποθεμένου τὴν λευκότητα, κατὰ βραχὺ δὲ λαμβάνοντοσ τὴν ἐρυθρότητα; σάρκα μὲν γὰρ ἐξ αἵματοσ γενέσθαι Ῥᾷστον· εἰ γὰρ εἰσ τοσοῦτον αὐτὸ παχύνειεν ἡ φύσισ, ὡσ σύστασίν τινα σχεῖν καὶ μηκέτ’ εἶναι Ῥυτόν, ἡ πρώτη καὶ νεοπαγὴσ οὕτωσ ἂν εἰή σάρξ· ὀστοῦν δ’ ἵνα γένηται, πολλοῦ μὲν δεῖται χρόνου, πολλῆσ δ’ ἐργασίασ καὶ μεταβολῆσ τῷ αἵματι. ὅτι δὲ καὶ τῷ ἄρτῳ καὶ πολὺ μᾶλλον θριδακίνῃ καὶ τεύτλῳ καὶ τοῖσ ὁμοίοισ παμπόλλησ δεῖται τῆσ ἀλλοιώσεωσ εἰσ αἵματοσ γένεσιν, οὐδὲ τοῦτ’ ἄδηλον. Ν̔ μὲν δὴ τοῦτ’ αἴτιον τοῦ πολλὰ γενέσθαι τὰ περὶ τὴν τῆσ τροφῆσ ἀλλοίωσιν ὄργανα. δεύτερον δ’ ἡ τῶν περιττωμάτων φύσισ. ὡσ γὰρ ὑπὸ βοτανῶν οὐδ’ ὅλωσ δυνάμεθα τρέφεσθαι, καίτοι τῶν βοσκημάτων τρεφομένων, οὕτωσ ὑπὸ Ῥαφανίδοσ τρεφόμεθα μέν, ἀλλ’ οὐχ ὡσ ὑπὸ τῶν κρεῶν. τούτων μὲν γὰρ ὀλίγου δεῖν ὅλων ἡ φύσισ ἡμῶν κρατεῖ καὶ μεταβάλλει καὶ ἀλλοιοῖ καὶ χρηστὸν ἐξ αὐτῶν αἷμα συνίστησιν· ἐν δὲ τῇ Ῥαφανίδι τὸ μὲν οἰκεῖόν τε καὶ μεταβληθῆναι δυνάμενον, μόγισ καὶ τοῦτο καὶ σὺν πολλῇ τῇ κατεργασίᾳ, παντάπασιν ἐλάχιστον· ὅλη δ’ ὀλίγου δεῖν ἐστι περιττωματικὴ καὶ διεξέρχεται τὰ τῆσ πέψεωσ ὄργανα, βραχέοσ ἐξ αὐτῆσ εἰσ τὰσ φλέβασ ἀναληφθέντοσ αἵματοσ καὶ οὐδὲ τούτου τελέωσ χρηστοῦ. δευτέρασ οὖν αὖθισ ἐδέησε διακρίσεωσ τῇ φύσει τῶν ἐν ταῖσ φλεψὶ περιττωμάτων. καὶ χρεία καὶ τούτοισ ὁδῶν τέ τινων ἑτέρων ἐπὶ τὰσ ἐκκρίσεισ αὐτὰ παραγουσῶν, ὡσ μὴ λυμαίνοιτο τοῖσ χρηστοῖσ, ὑποδοχῶν τέ τινων οἱο͂ν δεξαμενῶν, ἐν αἷσ ὅταν εἰσ ἱκανὸν πλῆθοσ ἀφίκηται, τηνικαῦτ’ ἐκκριθήσεται. δεύτερον δή σοι καὶ τοῦτο τὸ γένοσ τῶν ἐν τῷ σώματι μορίων ἐξεύρηται τοῖσ περιττώμασι τῆσ τροφῆσ ἀνακείμενον. ἄλλο δὲ τρίτον ὑπὲρ τοῦ πάντη φέρεσθαι, καθάπερ τινὲσ ὁδοὶ πολλαὶ διὰ τοῦ σώματοσ ὅλου κατατετμημέναι. μία μὲν γὰρ εἴσοδοσ ἡ διὰ τοῦ στόματοσ ἅπασι τοῖσ σιτίοισ, οὐχ ἓν δὲ τὸ τρεφόμενον ἀλλὰ πάμπολλά τε καὶ πάμπολυ διεστῶτα. μὴ τοίνυν θαύμαζε τὸ πλῆθοσ τῶν ὀργάνων, ὅσα θρέψεωσ ἕνεκεν ἡ φύσισ ἐδημιούργησε. τὰ μὲν γὰρ ἀλλοιοῦντα προπαρασκευάζει τὴν ἐπιτήδειον ἑκάστῳ μορίῳ τροφήν, τὰ δὲ διακρίνει τὰ περιττώματα, τὰ δὲ παραπέμπει, τὰ δ’ ὑποδέχεται, τὰ δ’ ἐκκρίνει, τὰ δ’ ὁδοὶ τῆσ πάντη φορᾶσ εἰσι τῶν χρηστῶν χυμῶν, ὥστ’, εἴπερ βούλει τὰσ δυνάμεισ τῆσ φύσεωσ ἁπάσασ ἐκμαθεῖν, ὑπὲρ ἑκάστου τούτων ἂν εἰή σοι τῶν ὀργάνων ἐπισκεπτέον. Ἀρχὴ δ’ αὐτῶν τῆσ διδασκαλίασ, ὅσα τοῦ τέλουσ ἐγγὺσ ἔργα τε τῆσ φύσεώσ ἐστι καὶ μόρια καὶ δυνάμεισ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 10

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 10)

상위

목록

SEARCH

MENU NAVIGATION