Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 7

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 7)

Ἐπὶ δὲ τὴν αὐξητικὴν ἤδη μεταβάντεσ δύναμιν αὐτὸ τοῦθ’ ὑπομνήσωμεν πρῶτον, ὡσ ὑπάρχει μὲν καὶ αὐτὴ τοῖσ κυουμένοισ ὥσπερ καὶ ἡ θρεπτική· ἀλλ’ οἰο͂ν ὑπηρέτιδέσ τινέσ εἰσι τηνικαῦτα τῶν προειρημένων δυνάμεων, οὐκ ἐν αὑταῖσ ἔχουσαι τὸ πᾶν κῦροσ. ἐπειδὰν δὲ τὸ τέλειον ἀπολάβῃ μέγεθοσ τὸ ζῷον, ἐν τῷ μετὰ τὴν ἀποκύησιν χρόνῳ παντὶ μέχρι τῆσ ἀκμῆσ ἡ μὲν αὐξητικὴ τηνικαῦτα κρατεῖ· βοηθοὶ δ’ αὐτῆσ καὶ οἱο͂ν ὑπηρέτιδεσ ἥ τ’ ἀλλοιωτικὴ δύναμίσ ἐστι καὶ ἡ θρεπτική. τί οὖν τὸ ἴδιόν ἐστι τῆσ αὐξητικῆσ δυνάμεωσ; εἰσ πᾶν μέροσ ἐκτεῖναι τὰ πεφυκότα. καλεῖται δ’ οὕτω τὰ στερεὰ μόρια τοῦ σώματοσ, ἀρτηρίαι καὶ φλέβεσ καὶ νεῦρα καὶ ὀστᾶ καὶ χόνδροι καὶ ὑμένεσ καὶ σύνδεσμοι καὶ οἱ χιτῶνεσ ἅπαντεσ, οὓσ στοιχειώδεισ τε καὶ ὁμοιομερεῖσ καὶ ἁπλοῦσ ὀλίγον ἔμπροσθεν ἐκαλοῦμεν. ὅτῳ δὲ τρόπῳ τὴν εἰσ πᾶν μέροσ ἔκτασιν ἴσχουσιν, ἐγὼ φράσω παράδειγμά τι πρότερον εἰπὼν ἕνεκα τοῦ σαφοῦσ. Τὰσ κύστεισ τῶν ὑῶν λαβόντεσ οἱ παῖδεσ πληροῦσί τε πνεύματοσ καὶ τρίβουσιν ἐπὶ τῆσ τέφρασ πλησίον τοῦ πυρόσ, ὡσ ἀλεαίνεσθαι μέν, βλάπτεσθαι δὲ μηδέν· καὶ πολλή γ’ αὕτη ἡ παιδιὰ περί τε τὴν Ιὠνίαν καὶ ἐν ἄλλοισ ἔθνεσιν οὐκ ὀλίγοισ ἐστίν. ἐπιλέγουσι δὲ δὴ καί τιν’ ἔπη τρίβοντεσ ἐν μέτρῳ τέ τινι καὶ μέλει καὶ Ῥυθμῷ καὶ ἔστι πάντα τὰ Ῥήματα ταῦτα παρακέλευσισ τῇ κύστει πρὸσ τὴν αὔξησιν. ἐπειδὰν δ’ ἱκανῶσ αὐτοῖσ διατετάσθαι δοκῇ, πάλιν ἐμφυσῶσί τε καὶ ἐπιδιατείνουσι καὶ αὖθισ τρίβουσι καὶ τοῦτο πλεονάκισ ποιοῦσιν, ἄχρισ ἂν αὐτοῖσ ἡ κύστισ ἱκανῶσ ἔχειν δοκῇ τῆσ αὐξήσεωσ. ἀλλ’ ἐν τούτοισ γε τοῖσ ἔργοισ τῶν παίδων ἐναργῶσ, ὅσον εἰσ μέγεθοσ ἐπιδίδωσιν ἡ ἐντὸσ εὐρυχωρία τῆσ κύστεωσ, τοσοῦτον ἀναγκαῖον εἰσ λεπτότητα καθαιρεῖσθαι τὸ σῶμα καὶ εἴ γε τὴν λεπτότητα ταύτην ἀνατρέφειν οἱοῖ́ τ’ ἦσαν οἱ παῖδεσ, ὁμοίωσ ἂν τῇ φύσει τὴν κύστιν ἐκ μικρᾶσ μεγάλην ἀπειργάζοντο. νυνὶ δὲ τοῦτ’ αὐτοῖσ ἐνδεῖ τὸ ἔργον οὐδὲ καθ’ ἕνα τρόπον εἰσ μίμησιν ἐνδεχόμενον ἀχθῆναι μὴ ὅτι τοῖσ παισὶν ἀλλ’ οὐδ’ ἄλλῳ τινί· μόνησ γὰρ τῆσ φύσεωσ ἴδιόν ἐστιν. ὥστ’ ἤδη σοι δῆλον, ὡσ ἀναγκαία τοῖσ αὐξανομένοισ ἡ θρέψισ. εἰ γὰρ διατείνοιτο μέν, ἀνατρέφοιτο δὲ μή, φαντασίαν ψευδῆ μᾶλλον, οὐκ αὔξησιν ἀληθῆ τὰ τοιαῦτα σώματα κτήσεται. καίτοι καὶ τὸ διατείνεσθαι πάντη μόνοισ τοῖσ ὑπὸ φύσεωσ αὐξανομένοισ ὑπάρχει. τὰ γὰρ ὑφ’ ἡμῶν διατεινόμενα σώματα κατὰ μίαν τινὰ διάστασιν τοῦτο πάσχοντα μειοῦται ταῖσ λοιπαῖσ, οὐδ’ ἔστιν εὑρεῖν οὐδέν, ὃ συνεχὲσ ἔτι μένον καὶ ἀδιάσπαστον εἰσ τὰσ τρεῖσ διαστάσεισ ἐπεκτεῖναι δυνάμεθα. μόνησ οὖν τῆσ φύσεωσ τὸ πάντη διιστάναι συνεχὲσ ἑαυτῷ μένον ἔτι καὶ τὴν ἀρχαίαν ἅπασαν ἰδέαν φυλάττον τὸ σῶμα. καὶ τοῦτ’ ἔστιν ἡ αὔξησισ ἄνευ τῆσ ἐπιρρεούσησ τε καὶ προσπλαττομένησ τροφῆσ μὴ δυναμένη γενέσθαι.

일치하는 문장이 없습니다.

SEARCH

MENU NAVIGATION