헬라어 문장 검색 - Γαλεν́ΟντηεΝά1́06́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 6)

περὶ πρώτησ οὖν τῆσ γενέσεωσ εἴπωμεν, ἣν ἐξ ἀλλοιώσεώσ θ’ ἅμα καὶ διαπλάσεωσ ἐλέγομεν γίγνεσθαι. Καταβληθέντοσ δὴ τοῦ σπέρματοσ εἰσ τὴν μήτραν εἰσ τὴν γῆν, οὐδὲν γὰρ διαφέρει, χρόνοισ τιοὶν ὡρισμένοισ πάμπολλα συνίσταται μόρια τῆσ γεννωμένησ οὐσίασ ὑγρότητι καὶ ξηρότητι καὶ ψυχρότητι καὶ θερμότητι καὶ τοῖσ ἄλλοισ ἅπασιν, ὅσα τούτοισ ἕπεται, διαφέροντα. τὰ δ’ ἑπόμενα γιγνώσκεισ, εἴπερ ὅλωσ ἐφιλοσόφησάσ τι περὶ γενέσεωσ καὶ φθορᾶσ· αἱ λοιπαὶ γὰρ τῶν ἁπτῶν ὀνομαζομένων διαφορῶν ταῖσ εἰρημέναισ ἕπονται πρῶται καὶ μάλιστα, μετὰ δὲ ταύτασ αἱ γευσταί τε καὶ ὀσφρηταὶ καὶ ὁραταί. σκληρότησ μὲν οὖν καὶ μαλακότησ καὶ γλισχρότησ καὶ κραυρότησ καὶ κουφότησ καὶ βαρύτησ καὶ πυκνότησ καὶ ἀραιότησ καὶ λειότησ καὶ τραχύτησ καὶ παχύτησ καὶ λεπτότησ ἁπταὶ διαφοραὶ καὶ εἴρηται περὶ πασῶν Ἀριστοτέλει καλῶσ. οἶσθα δὲ δήπου καὶ τὰσ γευστάσ τε καὶ ὀσφρητὰσ καὶ ὁρατὰσ διαφοράσ. ὥστ’, εἰ μὲν τὰσ πρώτασ τε καὶ στοιχειώδεισ ἀλλοιωτικὰσ δυνάμεισ ζητοίησ, ὑγρότησ ἐστὶ καὶ ξηρότησ καὶ ψυχρότησ καὶ θερμότησ· εἰ δὲ τὰσ ἐκ τῆσ τούτων κράσεωσ γενομένασ, τοσαῦται καθ’ ἕκαστον ἔσονται ζῷον, ὅσαπερ ἂν αὐτοῦ τὰ αἰσθητὰ στοιχεῖα ὑπάρχῃ· καλεῖται δ’ αἰσθητὰ στοιχεῖα τὰ ὁμοιομερῆ πάντα τοῦ σώματοσ μόρια· καὶ ταῦτ’ οὐκ ἐκ μεθόδου τινὸσ ἀλλ’ αὐτόπτην γενόμενον ἐκμαθεῖν χρὴ διὰ τῶν ἀνατομῶν. ὀστοῦν δὴ καὶ χόνδρον καὶ νεῦρον καὶ ὑμένα καὶ σύνδεσμον καὶ φλέβα καὶ πάνθ’ ὅσα τοιαῦτα κατὰ τὴν πρώτην τοῦ ζῳού γένεσιν ἡ φύσισ ἀπεργάζεται δυνάμει χρωμένη καθόλου μὲν εἰπεῖν τῇ γεννητικῇ τε καὶ ἀλλοιωτικῇ, κατὰ μέροσ δὲ θερμαντικῇ τε καὶ ψυκτικῇ καὶ ξηραντικῇ καὶ ὑγραντικῇ καὶ ταῖσ ἐκ τῆσ τούτων κράσεωσ γενομέναισ, οἱο͂ν ὀστοποιητικῇ τε καὶ νευροποιητικῇ καὶ χονδροποιητικῇ· σαφηνείασ γὰρ ἕνεκα καὶ τούτοισ τοῖσ ὀνόμασι χρηστέον. ἔστι γοῦν καὶ ἡ ἰδία σὰρξ τοῦ ἥπατοσ ἐκ τούτου τοῦ γένουσ καὶ ἡ τοῦ σπληνὸσ καὶ ἡ τῶν νεφρῶν καὶ ἡ τοῦ πνεύμονοσ καὶ ἡ τῆσ καρδίασ οὕτω δὲ καὶ τοῦ ἐγκεφάλου τὸ ἴδιον σῶμα καὶ τῆσ γαστρὸσ καὶ τοῦ στομάχου καὶ τῶν ἐντέρων καὶ τῶν ὑστερῶν αἰσθητὸν στοιχεῖόν ἐστιν ὁμοιομερέσ τε καὶ ἁπλοῦν καὶ ἀσύνθετον· ἐὰν γὰρ ἐξέλῃσ ἑκάστου τῶν εἰρημένων τὰσ ἀρτηρίασ τε καὶ τὰσ φλέβασ καὶ τὰ νεῦρα, τὸ ὑπόλοιπον σῶμα τὸ καθ’ ἕκαστον ὄργανον ἁπλοῦν ἐστι καὶ στοιχειῶδεσ ὡσ πρὸσ αἴσθησιν. ὅσα δὲ τῶν τοιούτων ὀργάνων ἐκ δυοῖν σύγκειται χιτώνων οὐχ ὁμοίων μὲν ἀλλήλοισ, ἁπλοῦ δ’ ἑκατέρου, τούτων οἱ χιτῶνέσ εἰσι τὰ στοιχεῖα καθάπερ τῆσ τε γαστρὸσ καὶ τοῦ στομάχου καὶ τῶν ἐντέρων καὶ τῶν ἀρτηριῶν, καὶ καθ’ ἑκάτερόν γε τῶν χιτώνων ἴδιοσ ἡ ἀλλοιωτικὴ δύναμισ ἡ ἐκ τοῦ παρὰ τῆσ μητρὸσ ἐπιμηνίου γεννήσασα τὸ μόριον, ὥστε τὰσ κατὰ μέροσ ἀλλοιωτικὰσ δυνάμεισ τοσαύτασ εἶναι καθ’ ἕκαστον ζῷον, ὅσαπερ ἂν ἔχῃ τὰ στοιχειώδη μόρια. καὶ μέν γε καὶ τὰσ ἐνεργείασ ἰδίασ ἑκάστῳ τῶν κατὰ μέροσ ἀναγκαῖον ὑπάρχειν ὥσπερ καὶ τὰσ χρείασ, οἱο͂ν καὶ τῶν ἀπὸ τῶν νεφρῶν εἰσ τὴν κύστιν διηκόντων πόρων, οἳ δὴ καὶ οὐρητῆρεσ καλοῦνται. οὗτοι γὰρ οὔτ’ ἀρτηρίαι εἰσίν, ὅτι μήτε σφύζουσι μήτ’ ἐκ δυοῖν χιτώνων συνεστήκασιν, οὔτε φλέβεσ, ὅτι μήθ’ αἷμα περιέχουσι μήτ’ ἐοίκεν αὐτῶν ὁ χιτὼν κατά τι τῷ τῆσ φλεβόσ· ἀλλὰ καὶ νεύρων ἐπὶ πλέον ἀφεστήκασιν ἢ τῶν εἰρημένων. τί ποτ’ οὖν εἰσιν; ἐρωτᾷ τισ, ὥσπερ ἀναγκαῖον ὂν ἅπαν μόριον ἢ ἀρτηρίαν ἢ φλέβα ἢ νεῦρον ὑπάρχειν ἢ ἐκ τούτων πεπλέχθαι καὶ μὴ τοῦτ’ αὐτὸ τὸ νῦν λεγόμενον, ὡσ ἴδιοσ ἑκάστῳ τῶν κατὰ μέροσ ὀργάνων ἐστὶν ἡ οὐσία. καὶ γὰρ καὶ αἱ κύστεισ ἑκάτεραι ἥ τε τὸ οὖρον ὑποδεχομένη καὶ ἡ τὴν ξανθὴν χολὴν οὐ μόνον τῶν ἄλλων ἁπάντων ἀλλὰ καὶ ἀλλήλων διαφέρουσι καὶ οἱ εἰσ τὸ ἧπαρ ἀποφυόμενοι πόροι, καθάπερ στόμαχοί τινεσ ἀπὸ τῆσ χοληδόχου κύστεωσ, οὐδὲν οὔτ’ ἀρτηρίαισ οὔτε φλεψὶν οὔτε νεύροισ ἐοίκασιν. ἀλλὰ περὶ μὲν τούτων ἐπὶ πλέον ἐν ἄλλοισ τέ τισι κἀν τοῖσ περὶ τῆσ Ἱπποκράτουσ ἀνατομῆσ εἴρηται. αἱ δὲ κατὰ μέροσ ἅπασαι δυνάμεισ τῆσ φύσεωσ αἱ ἀλλοιωτικαὶ αὐτὴν μὲν τὴν οὐσίαν τῶν χιτώνων τῆσ κοιλίασ καὶ τῶν ἐντέρων καὶ τῶν ὑστερῶν ἀπετέλεσαν, οἱάπέρ ἐστι· τὴν δὲ σύνθεσιν αὐτῶν καὶ τὴν τῶν ἐμφυομένων πλοκὴν καὶ τὴν εἰσ τὸ ἔντερον ἐκφυσιν καὶ τὴν τῆσ ἔνδον κοιλότητοσ ἰδέαν καὶ τἆλλ’ ὅσα τοιαῦτα δύναμίσ τισ ἑτέρα διέπλασεν, ἣν διαπλαστικὴν ὀνομάζομεν, ἣν δὴ καὶ τεχνικὴν εἶναι λέγομεν, μᾶλλον δ’ ἀρίστην καὶ ἄκραν τέχνην καὶ πάντα τινὸσ ἕνεκα ποιοῦσαν, ὡσ μηδὲν ἀργὸν εἶναι μηδὲ περιττὸν μηδ’ ὅλωσ οὕτωσ ἔχον, ὡσ δύνασθαι βέλτιον ἑτέρωσ ἔχειν. ἀλλὰ τοῦτο μὲν ἐν τοῖσ περὶ χρείασ μορίων ἀπδείξομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 6

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 6)

상위

목록

SEARCH

MENU NAVIGATION