Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 4

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 4)

ἡ δ’ οὖν δύναμισ ἡ ἐν ταῖσ φλεψὶν ἡ αἱματοποιητικὴ προσαγορευομένη καὶ πᾶσα δ’ ἄλλη δύναμισ ἐν τῷ πρόσ τι νενόηται· πρώτωσ μὲν γὰρ τῆσ ἐνεργείασ αἰτία, ἤδη δὲ καὶ τοῦ ἔργου κατὰ συμβεβηκόσ. ἀλλ’ εἴπερ ἡ αἰτία πρόσ τι, τοῦ γὰρ ὑπ’ αὐτῆσ γενομένου μόνου, τῶν δ’ ἄλλων οὐδενόσ, εὔδηλον, ὅτι καὶ ἡ δύναμισ ἐν τῷ πρόσ τι. καὶ μέχρι γ’ ἂν ἀγνοῶμεν τὴν οὐσίαν τῆσ ἐνεργούσησ αἰτίασ, δύναμιν αὐτὴν ὀνομάζομεν, εἶναί τινα λέγοντεσ ἐν ταῖσ φλεψὶν αἱματοποιητικήν, ὡσαύτωσ δὲ κἀν τῇ κοιλίᾳ πεπτικὴν κἀν τῇ καρδίᾳ σφυγμικὴν καὶ καθ’ ἕκαστον τῶν ἄλλων ἰδίαν τινὰ τῆσ κατὰ τὸ μόριον ἐνεργείασ. εἴπερ οὖν μεθόδῳ μέλλοιμεν ἐξευρήσειν, ὁπόσαι τε καὶ ὁποῖαί τινεσ αἱ δυνάμεισ εἰσίν, ἀπὸ τῶν ἔργων αὐτῶν ἀρκτέον· ἕκαστον γὰρ αὐτῶν ὑπό τινοσ ἐνεργείασ γίγνεται καὶ τούτων ἑκάστησ προηγεῖταί τισ αἰτία.

일치하는 문장이 없습니다.

SEARCH

MENU NAVIGATION