헬라어 문장 검색 - Γαλεν́ΟντηεΝά1́03́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 3)

ἐμοὶ μὲν οὖν καὶ ἡ φλὲψ καὶ τῶν ἄλλων ἁπάντων ἕκαστον διὰ τὴν ἐκ τῶν τεττάρων ποιὰν κρᾶσιν ὡδί πωσ ἐνεργεῖν δοκεῖ. εἰσὶ δέ γε μὴν οὐκ ὀλίγοι τινὲσ ἄνδρεσ οὐδ’ ἄδοξοι, φιλόσοφοί τε καὶ ἰατροί, τῷ μὲν θερμῷ καὶ τῷ ψυχρῷ τὸ δρᾶν ἀναφέροντεσ, ὑποβάλλοντεσ δ’ αὐτοῖσ παθητικὰ τὸ ξηρόν τε καὶ τὸ ὑγρόν. καὶ πρῶτόσ γ’ Ἀριστοτέλησ τὰσ τῶν κατὰ μέροσ ἁπάντων αἰτίασ εἰσ ταύτασ ἀνάγειν πειρᾶται τὰσ ἀρχάσ, ἠκολούθησε δ’ ὕστερον αὐτῷ καὶ ὁ ἀπὸ τῆσ στοᾶσ χορόσ. καίτοι τούτοισ μέν, ὡσ ἂν καὶ αὐτῶν τῶν στοιχείων τὴν εἰσ ἄλληλα μεταβολὴν χύσεσί τέ τισι καὶ πιλήσεσιν ἀναφέρουσιν, εὔλογον ἦν ἀρχὰσ δραστικὰσ ποιήσασθαι τὸ θερμὸν καὶ τὸ ψυχρόν, Ἀριστοτέλει δ’ οὐχ οὕτωσ, ἀλλὰ ταῖσ τέτταρσι ποιότησιν εἰσ τὴν τῶν στοιχείων γένεσιν χρωμένῳ βέλτιον ἦν καὶ τὰσ τῶν κατὰ μέροσ αἰτίασ ἁπάσασ εἰσ ταύτασ ἀνάγειν. τί δήποτ’ οὖν ἐν μὲν τοῖσ περὶ γενέσεωσ καὶ φθορᾶσ ταῖσ τέτταρσι χρῆται, ἐν δὲ τοῖσ μετεωρολογικοῖσ καὶ τοῖσ προβλήμασι καὶ ἄλλοθι πολλαχόθι ταῖσ δύο μόναισ; εἰ μὲν γὰρ ὡσ ἐν τοῖσ ζῳοίσ τε καὶ τοῖσ φυτοῖσ μᾶλλον μὲν δρᾷ τὸ θερμὸν καὶ τὸ ψυχρόν, ἧττον δὲ τὸ ζηρὸν καὶ τὸ ὑγρὸν ἀποφαίνοιτο τισ, ἴσωσ ἂν ἔχοι καὶ τὸν Ἱπποκράτην σύμψηφον· εἰ δ’ ὡσαύτωσ ἐν ἅπασιν, οὐκέτ’ οἶμαι συγχωρήσειν τοῦτο μὴ ὅτι τὸν Ἱπποκράτην ἀλλὰ μηδ’ αὐτὸν τὸν Ἀριστοτέλην μεμνῆσθαί γε βουλόμενον ὧν ἐν τοῖσ περὶ γενέσεωσ καὶ φθορᾶσ οὐχ ἁπλῶσ ἀλλὰ μετ’ ἀποδείξεωσ αὐτὸσ ἡμᾶσ ἐδίδαξεν. ἀλλὰ περὶ μὲν τούτων κἀν τοῖσ περὶ κράσεων, εἰσ ὅσον ἰατρῷ χρήσιμον, ἐπεσκεψάμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 3

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 3)

상위

목록

SEARCH

MENU NAVIGATION