Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 3

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 3)

ἐμοὶ μὲν οὖν καὶ ἡ φλὲψ καὶ τῶν ἄλλων ἁπάντων ἕκαστον διὰ τὴν ἐκ τῶν τεττάρων ποιὰν κρᾶσιν ὡδί πωσ ἐνεργεῖν δοκεῖ. εἰσὶ δέ γε μὴν οὐκ ὀλίγοι τινὲσ ἄνδρεσ οὐδ’ ἄδοξοι, φιλόσοφοί τε καὶ ἰατροί, τῷ μὲν θερμῷ καὶ τῷ ψυχρῷ τὸ δρᾶν ἀναφέροντεσ, ὑποβάλλοντεσ δ’ αὐτοῖσ παθητικὰ τὸ ξηρόν τε καὶ τὸ ὑγρόν. καὶ πρῶτόσ γ’ Ἀριστοτέλησ τὰσ τῶν κατὰ μέροσ ἁπάντων αἰτίασ εἰσ ταύτασ ἀνάγειν πειρᾶται τὰσ ἀρχάσ, ἠκολούθησε δ’ ὕστερον αὐτῷ καὶ ὁ ἀπὸ τῆσ στοᾶσ χορόσ. καίτοι τούτοισ μέν, ὡσ ἂν καὶ αὐτῶν τῶν στοιχείων τὴν εἰσ ἄλληλα μεταβολὴν χύσεσί τέ τισι καὶ πιλήσεσιν ἀναφέρουσιν, εὔλογον ἦν ἀρχὰσ δραστικὰσ ποιήσασθαι τὸ θερμὸν καὶ τὸ ψυχρόν, Ἀριστοτέλει δ’ οὐχ οὕτωσ, ἀλλὰ ταῖσ τέτταρσι ποιότησιν εἰσ τὴν τῶν στοιχείων γένεσιν χρωμένῳ βέλτιον ἦν καὶ τὰσ τῶν κατὰ μέροσ αἰτίασ ἁπάσασ εἰσ ταύτασ ἀνάγειν. τί δήποτ’ οὖν ἐν μὲν τοῖσ περὶ γενέσεωσ καὶ φθορᾶσ ταῖσ τέτταρσι χρῆται, ἐν δὲ τοῖσ μετεωρολογικοῖσ καὶ τοῖσ προβλήμασι καὶ ἄλλοθι πολλαχόθι ταῖσ δύο μόναισ; εἰ μὲν γὰρ ὡσ ἐν τοῖσ ζῳοίσ τε καὶ τοῖσ φυτοῖσ μᾶλλον μὲν δρᾷ τὸ θερμὸν καὶ τὸ ψυχρόν, ἧττον δὲ τὸ ζηρὸν καὶ τὸ ὑγρὸν ἀποφαίνοιτο τισ, ἴσωσ ἂν ἔχοι καὶ τὸν Ἱπποκράτην σύμψηφον· εἰ δ’ ὡσαύτωσ ἐν ἅπασιν, οὐκέτ’ οἶμαι συγχωρήσειν τοῦτο μὴ ὅτι τὸν Ἱπποκράτην ἀλλὰ μηδ’ αὐτὸν τὸν Ἀριστοτέλην μεμνῆσθαί γε βουλόμενον ὧν ἐν τοῖσ περὶ γενέσεωσ καὶ φθορᾶσ οὐχ ἁπλῶσ ἀλλὰ μετ’ ἀποδείξεωσ αὐτὸσ ἡμᾶσ ἐδίδαξεν. ἀλλὰ περὶ μὲν τούτων κἀν τοῖσ περὶ κράσεων, εἰσ ὅσον ἰατρῷ χρήσιμον, ἐπεσκεψάμεθα.

일치하는 문장이 없습니다.

SEARCH

MENU NAVIGATION