헬라어 문장 검색 - ΕυριπίΤηεΤρος́5́7́4́

(에우리피데스, The Trojan Women, episode, antistrophe 3 4:)

Φρυγῶν ἀρίστου πρίν ποθ’ Ἕκτοροσ δάμαρ, μή με στυγήσῃσ· οὐχ ἑκὼν γὰρ ἀγγελῶ. Δαναῶν δὲ κοινὰ Πελοπιδῶν τ’ ἀγγέλματα. . . . τί δ’ ἔστιν; ὥσ μοι φροιμίων ἄρχῃ κακῶν. ἔδοξε τόνδε παῖδα . . . πῶσ εἴπω λόγον; μῶν οὐ τὸν αὐτὸν δεσπότην ἡμῖν ἔχειν; οὐδεὶσ Ἀχαιῶν τοῦδε δεσπόσει ποτέ. ἀλλ’ ἐνθάδ’ αὐτοῦ λείψανον Φρυγῶν λιπεῖν; οὐκ οἶδ’ ὅπωσ σοι ῥᾳδίωσ εἴπω κακά. ἐπῄνεσ’ αἰδῶ, πλὴν ἐὰν λέγῃσ καλά. κτενοῦσι σὸν παῖδ’, ὡσ πύθῃ κακὸν μέγα. οἴμοι, γάμων τόδ’ ὡσ κλύω μεῖζον κακόν. νικᾷ δ’ Ὀδυσσεὺσ ἐν Πανέλλησιν λέγων . . . αἰαῖ μάλ’· οὐ γὰρ μέτρια πάσχομεν κακά. λέξασ ἀρίστου παῖδα μὴ τρέφειν πατρὸσ . . . τοιαῦτα νικήσειε τῶν αὑτοῦ πέρι. ῥῖψαι δὲ πύργων δεῖν σφε Τρωικῶν ἄπο. ἀλλ’ ὣσ γενέσθω, καὶ σοφωτέρα φανῇ· μήτ’ ἀντέχου τοῦδ’, εὐγενῶσ δ’ ἄλγει κακοῖσ, μήτε σθένουσα μηδὲν ἰσχύειν δόκει. ἔχεισ γὰρ ἀλκὴν οὐδαμῇ. σκοπεῖν δὲ χρή· πόλισ τ’ ὄλωλε καὶ πόσισ, κρατῇ δὲ σύ, ἡμεῖσ δὲ πρὸσ γυναῖκα μάρνασθαι μίαν οἱοῖ́ τε. τούτων οὕνεκ’ οὐ μάχησ ἐρᾶν οὐδ’ αἰσχρὸν οὐδὲν οὐδ’ ἐπίφθονόν σε δρᾶν, οὐδ’ αὖ σ’ Ἀχαιοῖσ βούλομαι ῥίπτειν ἀράσ. εἰ γάρ τι λέξεισ ὧν χολώσεται στρατόσ, οὔτ’ ἂν ταφείη παῖσ ὅδ’ οὔτ’ οἴκτου τύχοι. σιγῶσα δ’ εὖ τε τὰσ τύχασ κεκτημένη τὸν τοῦδε νεκρὸν οὐκ ἄθαπτον ἂν λίποισ αὐτή τ’ Ἀχαιῶν πρευμενεστέρων τύχοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, antistrophe 3 4:

(에우리피데스, The Trojan Women, episode, antistrophe 3 4:)

상위

목록

SEARCH

MENU NAVIGATION