헬라어 문장 검색 - ΕυριπίΤηεΤρος́5́7́2́

(에우리피데스, The Trojan Women, episode, antistrophe 3 2:)

ὦ μῆτερ, ὦ τεκοῦσα , κάλλιστον λόγον ἄκουσον, ὥσ σοι τέρψιν ἐμβαλῶ φρενί. τὸ μὴ γενέσθαι τῷ θανεῖν ἴσον λέγω, τοῦ ζῆν δὲ λυπρῶσ κρεῖσσόν ἐστι κατθανεῖν. ἀλγεῖ γὰρ οὐδὲν τῶν κακῶν ᾐσθημένοσ· ὁ δ’ εὐτυχήσασ ἐσ τὸ δυστυχὲσ πεσὼν ψυχὴν ἀλᾶται τῆσ πάροιθ’ εὐπραξίασ. κείνη δ’, ὁμοίωσ ὥσπερ οὐκ ἰδοῦσα φῶσ, τέθνηκε κοὐδὲν οἶδε τῶν αὑτῆσ κακῶν. ἐγὼ δὲ τοξεύσασα τῆσ εὐδοξίασ λαχοῦσα πλεῖον τῆσ τύχησ ἡμάρτανον. ἃ γὰρ γυναιξὶ σώφρον’ ἔσθ’ ηὑρημένα, ταῦτ’ ἐξεμόχθουν Ἕκτοροσ κατὰ στέγασ. πρῶτον μέν, ἔνθα ‐ κἂν προσῇ κἂν μὴ προσῇ ψόγοσ γυναιξίν ‐ αὐτὸ τοῦτ’ ἐφέλκεται κακῶσ ἀκούειν, ἥτισ οὐκ ἔνδον μένει, τούτου παρεῖσα πόθον ἔμιμνον ἐν δόμοισ· ἔσω τε μελάθρων κομψὰ θηλειῶν ἔπη οὐκ εἰσεφρούμην, τὸν δὲ νοῦν διδάσκαλον οἴκοθεν ἔχουσα χρηστὸν ἐξήρκουν ἐμοί. γλώσσησ τε σιγὴν ὄμμα θ’ ἥσυχον πόσει παρεῖχον· ᾔδη δ’ ἁμὲ χρῆν νικᾶν πόσιν, κείνῳ τε νίκην ὧν ἐχρῆν παριέναι. καὶ τῶνδε κληδὼν ἐσ στράτευμ’ Ἀχαιϊκὸν ἐλθοῦσ’ ἀπώλεσέν μ’· ἐπεὶ γὰρ ᾑρέθην, Ἀχιλλέωσ με παῖσ ἐβουλήθη λαβεῖν δάμαρτα· δουλεύσω δ’ ἐν αὐθεντῶν δόμοισ. κεἰ μὲν παρώσασ’ Ἕκτοροσ φίλον κάρα πρὸσ τὸν παρόντα πόσιν ἀναπτύξω φρένα, κακὴ φανοῦμαι τῷ θανόντι· τόνδε δ’ αὖ στυγοῦσ’ ἐμαυτῆσ δεσπόταισ μισήσομαι. καίτοι λέγουσιν ὡσ μί’ εὐφρόνη χαλᾷ τὸ δυσμενὲσ γυναικὸσ εἰσ ἀνδρὸσ λέχοσ· ἀπέπτυσ’ αὐτήν, ἥτισ ἄνδρα τὸν πάροσ καινοῖσι λέκτροισ ἀποβαλοῦσ’ ἄλλον φιλεῖ. ἀλλ’ οὐδὲ πῶλοσ ἥτισ ἂν διαζυγῇ τῆσ συντραφείσησ, ῥᾳδίωσ ἕλξει ζυγόν. καίτοι τὸ θηριῶδεσ ἄφθογγόν τ’ ἔφυ ξυνέσει τ’ ἄχρηστον τῇ φύσει τε λείπεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, antistrophe 3 2:

(에우리피데스, The Trojan Women, episode, antistrophe 3 2:)

상위

목록

SEARCH

MENU NAVIGATION