헬라어 문장 검색 - ΕυριπίΤηεΤρος́3́7́0́

(에우리피데스, The Trojan Women, episode, iambic)

Ἑκάβησ γεραιᾶσ φύλακεσ, οὐ δεδόρκατε δέσποιναν ὡσ ἄναυδοσ ἐκτάδην πίτνει; οὐκ ἀντιλήψεσθ’; ἦ μεθήσετ’, ὦ κακαί, γραῖαν πεσοῦσαν; αἴρετ’ εἰσ ὀρθὸν δέμασ. ἐᾶτέ μ’ ‐ οὔτοι φίλα τὰ μὴ φίλ’, ὦ κόραι ‐ κεῖσθαι πεσοῦσαν· πτωμάτων γὰρ ἄξια πάσχω τε καὶ πέπονθα κἄτι πείσομαι. ὦ θεοί . . . κακοὺσ μὲν ἀνακαλῶ τοὺσ συμμάχουσ, ὅμωσ δ’ ἔχει τι σχῆμα κικλήσκειν θεούσ, ὅταν τισ ἡμῶν δυστυχῆ λάβῃ τύχην. πρῶτον μὲν οὖν μοι τἀγάθ’ ἐξᾷσαι φίλον· τοῖσ γὰρ κακοῖσι πλείον’ οἶκτον ἐμβαλῶ. ἦμεν τύραννοι κἀσ τύρανν’ ἐγημάμην, κἀνταῦθ’ ἀριστεύοντ’ ἐγεινάμην τέκνα, οὐκ ἀριθμὸν ἄλλωσ, ἀλλ’ ὑπερτάτουσ Φρυγῶν· οὓσ Τρῳὰσ οὐδ’ Ἑλληνὶσ οὐδὲ βάρβαροσ γυνὴ τεκοῦσα κομπάσειεν ἄν ποτε. κἀκεῖνά τ’ εἶδον δορὶ πεσόνθ’ Ἑλληνικῷ τρίχασ τ’ ἐτμήθην τάσδε πρὸσ τύμβοισ νεκρῶν, καὶ τὸν φυτουργὸν Πρίαμον οὐκ ἄλλων πάρα κλύουσ’ ἔκλαυσα, τοῖσδε δ’ εἶδον ὄμμασιν αὐτὴ κατασφαγέντ’ ἐφ’ ἑρκείῳ πυρᾷ, πόλιν θ’ ἁλοῦσαν. ἃσ δ’ ἔθρεψα παρθένουσ ἐσ ἀξίωμα νυμφίων ἐξαίρετον, ἄλλοισι θρέψασ’ ἐκ χερῶν ἀφῃρέθην. κοὔτ’ ἐξ ἐκείνων ἐλπὶσ ὡσ ὀφθήσομαι, αὐτή τ’ ἐκείνασ οὐκέτ’ ὄψομαί ποτε. τὸ λοίσθιον δέ, θριγκὸσ ἀθλίων κακῶν, δούλη γυνὴ γραῦσ Ἑλλάδ’ εἰσαφίξομαι. ἃ δ’ ἐστὶ γήρᾳ τῷδ’ ἀσυμφορώτατα, τούτοισ με προσθήσουσιν, ἢ θυρῶν λάτριν κλῇδασ φυλάσσειν, τὴν τεκοῦσαν Ἕκτορα, ἢ σιτοποιεῖν, κἀν πέδῳ κοίτασ ἔχειν ῥυσοῖσι νώτοισ, βασιλικῶν ἐκ δεμνίων, τρυχηρὰ περὶ τρυχηρὸν εἱμένην χρόα πέπλων λακίσματ’, ἀδόκιμ’ ὀλβίοισ ἔχειν. οἲ ’γὼ τάλαινα, διὰ γάμον μιᾶσ ἕνα γυναικὸσ οἱών ἔτυχον ὧν τε τεύξομαι. ὦ τέκνον, ὦ σύμβακχε Κασάνδρα θεοῖσ, οἱαίσ ἔλυσασ συμφοραῖσ ἅγνευμα σόν. σύ τ’, ὦ τάλαινα, ποῦ ποτ’ εἶ, Πολυξένη; ὡσ οὔτε μ’ ἄρσην οὔτε θήλεια σπορὰ πολλῶν γενομένων τὴν τάλαιναν ὠφελεῖ. τί δῆτά μ’ ὀρθοῦτ’; ἐλπίδων ποίων ὕπο; ἄγετε τὸν ἁβρὸν δήποτ’ ἐν Τροίᾳ πόδα, νῦν δ’ ὄντα δοῦλον, στιβάδα πρὸσ χαμαιπετῆ πέτρινά τε κρήδεμν’, ὡσ πεσοῦσ’ ἀποφθαρῶ δακρύοισ καταξανθεῖσα. τῶν δ’ εὐδαιμόνων μηδένα νομίζετ’ εὐτυχεῖν, πρὶν ἂν θάνῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, iambic

(에우리피데스, The Trojan Women, episode, iambic)

상위

목록

SEARCH

MENU NAVIGATION