Euripides, The Trojan Women, episode, trochees

(에우리피데스, The Trojan Women, episode, trochees)

ἀλλὰ γὰρ τί τοὺσ Ὀδυσσέωσ ἐξακοντίζω πόνουσ; στεῖχ’ ὅπωσ τάχιστ’· ἐσ Αἵδου νυμφίῳ γημώμεθα. ἦ κακὸσ κακῶσ ταφήσῃ νυκτόσ, οὐκ ἐν ἡμέρᾳ, ὦ δοκῶν σεμνόν τι πράσσειν, Δαναϊδῶν ἀρχηγέτα. κἀμέ τοι νεκρὸν φάραγγεσ γυμνάδ’ ἐκβεβλημένην ὕδατι χειμάρρῳ ῥέουσαι, νυμφίου πέλασ τάφου, θηρσὶ δώσουσιν δάσασθαι, τὴν Ἀπόλλωνοσ λάτριν. ὦ στέφη τοῦ φιλτάτου μοι θεῶν, ἀγάλματ’ εὐιά, χαίρετ’· ἐκλέλοιφ’ ἑορτάσ, αἷσ πάροιθ’ ἠγαλλόμην. ἴτ’ ἀπ’ ἐμοῦ χρωτὸσ σπαραγμοῖσ, ὡσ ἔτ’ οὖσ’ ἁγνὴ χρόα δῶ θοαῖσ αὔραισ φέρεσθαί σοι τάδ’, ὦ μαντεῖ’ ἄναξ. ποῦ σκάφοσ τὸ τοῦ στρατηγοῦ; ποῖ ποτ’ ἐμβαίνειν με χρή; οὐκέτ’ ἂν φθάνοισ ἂν αὔραν ἱστίοισ καραδοκῶν, ὡσ μίαν τριῶν Ἐρινὺν τῆσδέ μ’ ἐξάξων χθονόσ. χαῖρέ μοι, μῆτερ· δακρύσῃσ μηδέν· ὦ φίλη πατρίσ, οἵ τε γῆσ ἔνερθ’ ἀδελφοὶ χὡ τεκὼν ἡμᾶσ πατήρ, οὐ μακρὰν δέξεσθέ μ’· ἥξω δ’ ἐσ νεκροὺσ νικηφόροσ καὶ δόμουσ πέρσασ’ Ἀτρειδῶν, ὧν ἀπωλόμεσθ’ ὕπο.

일치하는 문장이 없습니다.

SEARCH

MENU NAVIGATION