Euripides, The Trojan Women, episode, lyric

(에우리피데스, The Trojan Women, episode, lyric)

Ἄνεχε· πάρεχε. φῶσ φέρ’, ὤ· σέβω· φλέγω ‐ ἰδού, ἰδού ‐ λαμπάσι τόδ’ ἱερόν. ὦ Ὑμέναι’ ἄναξ· μακάριοσ ὁ γαμέτασ· μακαρία δ’ ἐγὼ βασιλικοῖσ λέκτροισ κατ’ Ἄργοσ ἁ γαμουμένα. Ὑμήν, ὦ Ὑμέναι’ ἄναξ. ἐπεὶ σύ, μᾶτερ, ἐπὶ δάκρυσι καὶ γόοισι τὸν θανόντα πατέρα πατρίδα τε φίλαν καταστένουσ’ ἔχεισ, ἐγὼ δ’ ἐπὶ γάμοισ ἐμοῖσ ἀναφλέγω πυρὸσ φῶσ ἐσ αὐγάν, ἐσ αἴγλαν, διδοῦσ’, ὦ Ὑμέναιε, σοί, διδοῦσ’, ὦ Ἑκάτα, φάοσ, παρθένων ἐπὶ λέκτροισ ᾇ νόμοσ ἔχει. πάλλε πόδα. αἰθέριον ἄναγε χορόν· εὐἅν, εὐοἵ· ὡσ ἐπὶ πατρὸσ ἐμοῦ μακαριωτάταισ τύχαισ· ὁ χορὸσ ὅσιοσ. ἄγε σύ, Φοῖβε, νῦν· κατὰ σὸν ἐν δάφναισ ἀνάκτορον θυηπολῶ, Ὑμήν, ὦ Ὑμέναι’, Ὑμήν. χόρευε, μᾶτερ, ἀναγέλασον· ἕλισσε τᾷδ’ ἐκεῖσε μετ’ ἐμέθεν ποδῶν φέρουσα φιλτάταν βάσιν. βοάσαθ’ Ὑμέναιον, ὤ, μακαρίαισ ἀοιδαῖσ ἰαχαῖσ τε νύμφαν. ἴτ’, ὦ καλλίπεπλοι Φρυγῶν κόραι, μέλπετ’ ἐμῶν γάμων τὸν πεπρωμένον εὐνᾷ πόσιν ἐμέθεν.

일치하는 문장이 없습니다.

SEARCH

MENU NAVIGATION