헬라어 문장 검색 - ΕυριπίΤηεΤρος́3́2́

(에우리피데스, The Trojan Women, episode, lyric)

<αἰαῖ,> τόδε τόδε, φίλαι Τρῳάδεσ, ὃ φόβοσ ἦν πάλαι. ἤδη κεκλήρωσθ’, εἰ τόδ’ ἦν ὑμῖν φόβοσ. αἰαῖ, τίν’ ἢ Θεσσαλίασ πόλιν ἢ Φθιάδοσ εἶπασ ἢ Καδμείασ χθονόσ; κατ’ ἄνδρ’ ἑκάστη κοὐχ ὁμοῦ λελόγχατε. τίν’ ἄρα τίσ ἔλαχε; τίνα πότμοσ εὐτυχὴσ Ἰλιάδων μένει; οἶδ’· ἀλλ’ ἕκαστα πυνθάνου, μὴ πάνθ’ ὁμοῦ. τοὐμὸν τίσ ἆρ’ ἔλαχε τέκοσ, ἔνεπε, τλάμονα Κασάνδραν; ἐξαίρετόν νιν ἔλαβεν Ἀγαμέμνων ἄναξ. ἦ τᾷ Λακεδαιμονίᾳ νύμφᾳ δούλαν; ἰώ μοί μοι. οὔκ, ἀλλὰ λέκτρων σκότια νυμφευτήρια. ἦ τὰν τοῦ Φοίβου παρθένον, ᾇ γέρασ ὁ χρυσοκόμασ ἔδωκ’ ἄλεκτρον ζόαν; ἔρωσ ἐτόξευσ’ αὐτὸν ἐνθέου κόρησ. ῥῖπτε, τέκνον, ζαθέουσ κλῇ‐ δασ καὶ ἀπὸ χροὸσ ἐνδυ‐ τῶν στεφέων ἱεροὺσ στολμούσ. οὐ γὰρ μέγ’ αὐτῇ βασιλικῶν λέκτρων τυχεῖν; τί δ’ ὃ νεοχμὸν ἀπ’ ἐμέθεν ἐλάβετε τέκοσ, ποῦ μοι; Πολυξένην ἔλεξασ, ἢ τίν’ ἱστορεῖσ; ταύταν· τῷ πάλοσ ἔζευξεν; τύμβῳ τέτακται προσπολεῖν Ἀχιλλέωσ. ὤμοι ἐγώ· τάφῳ πρόσπολον ἐτεκόμαν. ἀτὰρ τίσ ὅδ’ ἢ νόμοσ ἢ τί θέσμιον, ὦ φίλοσ, Ἑλλάνων; εὐδαιμόνιζε παῖδα σήν· ἔχει καλῶσ. τί τόδ’ ἔλακεσ; ἆρά μοι ἀέλιον λεύσσει; ἔχει πότμοσ νιν, ὥστ’ ἀπηλλάχθαι πόνων. τί δ’ ἁ τοῦ χαλκεομήστοροσ Ἕκτοροσ δάμαρ, Ἀνδρομάχα τάλαινα, τίν’ ἔχει τύχαν; καὶ τήνδ’ Ἀχιλλέωσ ἔλαβε παῖσ ἐξαίρετον. ἐγὼ δὲ τῷ πρόσπολοσ ἁ τριτοβάμονοσ χερὶ δευομένα βάκτρου γεραιῷ κάρᾳ; Ἰθάκησ Ὀδυσσεὺσ ἔλαχ’ ἄναξ δούλην σ’ ἔχειν. ἒ ἔ. ἄρασσε κρᾶτα κούριμον, ἕλκ’ ὀνύχεσσι δίπτυχον παρειάν. ἰώ μοί μοι. μυσαρῷ δολίῳ λέλογχα φωτὶ δουλεύειν, πολεμίῳ δίκασ, παρανόμῳ δάκει, ὃσ πάντα τἀκεῖθεν ἐνθάδ<ε στρέφει, τὰ δ’> ἀντίπαλ’ αὖθισ ἐκεῖσε διπτύχῳ γλώσσᾳ φίλα τὰ πρότερ’ ἄφιλα τιθέμενοσ πάντων. γοᾶσθ’, ὦ Τρῳάδεσ, με. βέβακα δύσποτμοσ. οἴχομαι ἁ τάλαινα, δυστυχεστάτῳ προσέπεσον κλήρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, lyric

(에우리피데스, The Trojan Women, episode, lyric)

상위

목록

SEARCH

MENU NAVIGATION