Euripides, Suppliants, episode 1:

(에우리피데스, Suppliants, episode 1:)

ἐν ᾧ δὲ τέμνειν σφάγια χρή σ’, ἄκουέ μου. ἔστιν τρίπουσ σοι χαλκόπουσ ἔσω δόμων, ὃν Ἰλίου ποτ’ ἐξαναστήσασ βάθρα σπουδὴν ἐπ’ ἄλλην Ἡρακλῆσ ὁρμώμενοσ στῆσαί σ’ ἐφεῖτο Πυθικὴν πρὸσ ἐσχάραν. ἐν τῷδε λαιμοὺσ τρεῖσ τριῶν μήλων τεμὼν ἔγγραψον ὁρ́κουσ τρίποδοσ ἐν κοίλῳ κύτει, κἄπειτα σῴζειν θεῷ δὸσ ᾧ Δελφῶν μέλει, μνημεῖά θ’ ὁρ́κων μαρτύρημά θ’ Ἑλλάδι. ᾗ δ’ ἂν διοίξῃσ σφάγια καὶ τρώσῃσ φόνον ὀξύστομον μάχαιραν ἐσ γαίασ μυχοὺσ κρύψον παρ’ αὐτὰσ ἑπτὰ πυρκαιὰσ νεκρῶν· φόβον γὰρ αὐτοῖσ, ἤν ποτ’ ἔλθωσιν πόλιν, δειχθεῖσα θήσει καὶ κακὸν νόστον πάλιν. δράσασ δὲ ταῦτα πέμπε γῆσ ἔξω νεκρούσ. τεμένη δ’, ἵν’ αὐτῶν σώμαθ’ ἡγνίσθη πυρί, μέθεσ παρ’ αὐτὴν τρίοδον Ἰσθμίασ θεοῦ· σοὶ μὲν τάδ’ εἶπον· παισὶ δ’ Ἀργείων λέγω· πορθήσεθ’ ἡβήσαντεσ Ἰσμηνοῦ πόλιν, πατέρων θανόντων ἐκδικάζοντεσ φόνον, σύ τ’ ἀντὶ πατρόσ, Αἰγιαλεῦ, στρατηλάτησ νέοσ καταστάσ, παῖσ τ’ ἀπ’ Αἰτωλῶν μολὼν Τυδέωσ, ὃν ὠνόμαζε Διομήδην πατήρ. ἀλλ’ οὐ φθάνειν χρὴ συσκιάζοντασ γένυν καὶ χαλκοπληθῆ Δαναϊδῶν ὁρμᾶν στρατὸν ἑπτάστολον πύργωμα Καδμείων ἔπι· πικροὶ γὰρ αὐτοῖσ ἥξετ’, ἐκτεθραμμένοι σκύμνοι λεόντων, πόλεοσ ἐκπορθήτορεσ. κοὐκ ἔστιν ἄλλωσ· Ἔκγονοι δ’ ἀν’ Ἑλλάδα κληθέντεσ ᾠδὰσ ὑστέροισι θήσετε· τοῖον στράτευμα σὺν θεῷ πορεύσετε. δέσποιν’ Ἀθάνα, πείσομαι λόγοισι σοῖσ· σὺ γάρ μ’ ἀνορθοῖσ, ὥστε μὴ ’ξαμαρτάνειν· καὶ τόνδ’ ἐν ὁρ́κοισ ζεύξομαι· μόνον σύ με ἐσ ὀρθὸν ἵστη· σοῦ γὰρ εὐμενοῦσ πόλει οὔσησ τὸ λοιπὸν ἀσφαλῶσ οἰκήσομεν.

상위

Suppliants

목록

일치하는 문장이 없습니다.

SEARCH

MENU NAVIGATION