Euripides, Suppliants, episode, iambic

(에우리피데스, Suppliants, episode, iambic)

καὶ μὴν τὸν Οἰκλέουσ γε γενναῖον τόκον θεοὶ ζῶντ’ ἀναρπάσαντεσ ἐσ μυχοὺσ χθονὸσ αὐτοῖσ τεθρίπποισ εὐλογοῦσιν ἐμφανῶσ· τὸν Οἰδίπου τε παῖδα, Πολυνείκην λέγω, ἡμεῖσ ἐπαινέσαντεσ οὐ ψευδοίμεθ’ ἄν. ξένοσ γὰρ ἦν μοι πρὶν λιπὼν Κάδμου πόλιν φυγῇ πρὸσ Ἄργοσ διαβαλεῖν αὐθαίρετοσ. ἀλλ’ οἶσθ’ ὃ δρᾶσαι βούλομαι τούτων πέρι; οὐκ οἶδα πλὴν ἕν, σοῖσι πείθεσθαι λόγοισ. τὸν μὲν Διὸσ πληγέντα Καπανέα πυρὶ . . . . ἦ χωρὶσ ἱερὸν ὡσ νεκρὸν θάψαι θέλεισ; ναί· τοὺσ δέ γ’ ἄλλουσ πάντασ ἐν μιᾷ πυρᾷ. ποῦ δῆτα θήσεισ μνῆμα τῷδε χωρίσασ; αὐτοῦ παρ’ οἴκουσ τούσδε συμπήξασ τάφον. οὗτοσ μὲν ἤδη δμωσὶν ἂν μέλοι πόνοσ. ἡμῖν δέ γ’ οἵδε· στειχέτω δ’ ἄχθη νεκρῶν. ἴτ’, ὦ τάλαιναι μητέρεσ, τέκνων πέλασ. ἥκιστ’, Ἄδραστε, τοῦτο πρόσφορον λέγεισ. πῶσ; τὰσ τεκούσασ οὐ χρεὼν ψαῦσαι τέκνων; ὄλοιντ’ ἰδοῦσαι τούσδ’ ἂν ἠλλοιωμένουσ. πικρὰ γὰρ ὄψισ αἷμα κὠτειλαὶ νεκρῶν. τί δῆτα λύπην ταῖσδε προσθεῖναι θέλεισ; νικᾷσ. μένειν χρὴ τλημόνωσ· λέγει γὰρ εὖ Θησεύσ· ὅταν δὲ τούσδε προσθῶμεν πυρί, ὀστᾶ προσάξεσθε. ὦ ταλαίπωροι βροτῶν, τί κτᾶσθε λόγχασ καὶ κατ’ ἀλλήλων φόνουσ τίθεσθε; παύσασθ’, ἀλλὰ λήξαντεσ πόνων ἄστη φυλάσσεθ’ ἥσυχοι μεθ’ ἡσύχων. σμικρὸν τὸ χρῆμα τοῦ βίου· τοῦτον δὲ χρὴ ὡσ ῥᾷστα καὶ μὴ σὺν πόνοισ διεκπερᾶν.

상위

Suppliants

목록

일치하는 문장이 없습니다.

SEARCH

MENU NAVIGATION