Euripides, Suppliants, episode 1:

(에우리피데스, Suppliants, episode 1:)

ὁ δ’ αὖ τρίτοσ τῶνδ’ Ἱππομέδων τοιόσδ’ ἔφυ· παῖσ ὢν ἐτόλμησ’ εὐθὺσ οὐ πρὸσ ἡδονὰσ Μουσῶν τραπέσθαι πρὸσ τὸ μαλθακὸν βίου, ἀγροὺσ δὲ ναίων, σκληρὰ τῇ φύσει διδοὺσ ἔχαιρε πρὸσ τἀνδρεῖον, ἔσ τ’ ἄγρασ ἰὼν ἵπποισ τε χαίρων τόξα τ’ ἐντείνων χεροῖν, πόλει παρασχεῖν σῶμα χρήσιμον θέλων. ὁ τῆσ κυναγοῦ δ’ ἄλλοσ Ἀταλάντησ γόνοσ παῖσ Παρθενοπαῖοσ, εἶδοσ ἐξοχώτατοσ, Ἀρκὰσ μὲν ἦν, ἐλθὼν δ’ ἐπ’ Ἰνάχου ῥοὰσ παιδεύεται κατ’ Ἄργοσ. ἐκτραφεὶσ δ’ ἐκεῖ πρῶτον μέν, ὡσ χρὴ τοὺσ μετοικοῦντασ ξένουσ, λυπηρὸσ οὐκ ἦν οὐδ’ ἐπίφθονοσ πόλει οὐδ’ ἐξεριστὴσ τῶν λόγων, ὅθεν βαρὺσ μάλιστ’ ἂν εἰή δημότησ τε καὶ ξένοσ. λόχοισ δ’ ἐνεστὼσ ὥσπερ Ἀργεῖοσ γεγὼσ ἤμυνε χώρᾳ, χὡπότ’ εὖ πράσσοι πόλισ, ἔχαιρε, λυπρῶσ δ’ ἔφερεν, εἴ τι δυστυχοῖ. πολλοὺσ δ’ ἐραστὰσ κἀπὸ θηλειῶν ὅσασ ἔχων ἐφρούρει μηδὲν ἐξαμαρτάνειν. Τυδέωσ δ’ ἔπαινον ἐν βραχεῖ θήσω μέγαν· οὐκ ἐν λόγοισ ἦν λαμπρόσ, ἀλλ’ ἐν ἀσπίδι δεινὸσ σοφιστήσ, πολλά τ’ ἐξευρεῖν σοφά. γνώμῃ δ’ ἀδελφοῦ Μελεάγρου λελειμμένοσ, ἴσον παρέσχεν ὄνομα διὰ τέχνησ δορόσ, εὑρὼν ἀκριβῆ μουσικὴν ἐν ἀσπίδι· φιλότιμον ἦθοσ πλούσιον, φρόνημα δὲ ἐν τοῖσιν ἔργοισ, οὐχὶ τοῖσ λόγοισ, ἴσον. ἐκ τῶνδε μὴ θαύμαζε τῶν εἰρημένων, Θησεῦ, πρὸ πύργων τούσδε τολμῆσαι θανεῖν. τὸ γὰρ τραφῆναι μὴ κακῶσ αἰδῶ φέρει· αἰσχύνεται δὲ τἀγάθ’ ἀσκήσασ ἀνὴρ κακὸσ γενέσθαι πᾶσ τισ. ἡ δ’ εὐανδρία διδακτόσ, εἴπερ καὶ βρέφοσ διδάσκεται λέγειν ἀκούειν θ’ ὧν μάθησιν οὐκ ἔχει. ἃ δ’ ἂν μάθῃ τισ, ταῦτα σῴζεσθαι φιλεῖ πρὸσ γῆρασ. οὕτω παῖδασ εὖ παιδεύετε.

상위

Suppliants

목록

일치하는 문장이 없습니다.

SEARCH

MENU NAVIGATION