헬라어 문장 검색 - ΕυριπίΣυππλιά09́0́1́

(에우리피데스, Suppliants, episode 1:)

ὁ δ’ αὖ τρίτοσ τῶνδ’ Ἱππομέδων τοιόσδ’ ἔφυ· παῖσ ὢν ἐτόλμησ’ εὐθὺσ οὐ πρὸσ ἡδονὰσ Μουσῶν τραπέσθαι πρὸσ τὸ μαλθακὸν βίου, ἀγροὺσ δὲ ναίων, σκληρὰ τῇ φύσει διδοὺσ ἔχαιρε πρὸσ τἀνδρεῖον, ἔσ τ’ ἄγρασ ἰὼν ἵπποισ τε χαίρων τόξα τ’ ἐντείνων χεροῖν, πόλει παρασχεῖν σῶμα χρήσιμον θέλων. ὁ τῆσ κυναγοῦ δ’ ἄλλοσ Ἀταλάντησ γόνοσ παῖσ Παρθενοπαῖοσ, εἶδοσ ἐξοχώτατοσ, Ἀρκὰσ μὲν ἦν, ἐλθὼν δ’ ἐπ’ Ἰνάχου ῥοὰσ παιδεύεται κατ’ Ἄργοσ. ἐκτραφεὶσ δ’ ἐκεῖ πρῶτον μέν, ὡσ χρὴ τοὺσ μετοικοῦντασ ξένουσ, λυπηρὸσ οὐκ ἦν οὐδ’ ἐπίφθονοσ πόλει οὐδ’ ἐξεριστὴσ τῶν λόγων, ὅθεν βαρὺσ μάλιστ’ ἂν εἰή δημότησ τε καὶ ξένοσ. λόχοισ δ’ ἐνεστὼσ ὥσπερ Ἀργεῖοσ γεγὼσ ἤμυνε χώρᾳ, χὡπότ’ εὖ πράσσοι πόλισ, ἔχαιρε, λυπρῶσ δ’ ἔφερεν, εἴ τι δυστυχοῖ. πολλοὺσ δ’ ἐραστὰσ κἀπὸ θηλειῶν ὅσασ ἔχων ἐφρούρει μηδὲν ἐξαμαρτάνειν. Τυδέωσ δ’ ἔπαινον ἐν βραχεῖ θήσω μέγαν· οὐκ ἐν λόγοισ ἦν λαμπρόσ, ἀλλ’ ἐν ἀσπίδι δεινὸσ σοφιστήσ, πολλά τ’ ἐξευρεῖν σοφά. γνώμῃ δ’ ἀδελφοῦ Μελεάγρου λελειμμένοσ, ἴσον παρέσχεν ὄνομα διὰ τέχνησ δορόσ, εὑρὼν ἀκριβῆ μουσικὴν ἐν ἀσπίδι· φιλότιμον ἦθοσ πλούσιον, φρόνημα δὲ ἐν τοῖσιν ἔργοισ, οὐχὶ τοῖσ λόγοισ, ἴσον. ἐκ τῶνδε μὴ θαύμαζε τῶν εἰρημένων, Θησεῦ, πρὸ πύργων τούσδε τολμῆσαι θανεῖν. τὸ γὰρ τραφῆναι μὴ κακῶσ αἰδῶ φέρει· αἰσχύνεται δὲ τἀγάθ’ ἀσκήσασ ἀνὴρ κακὸσ γενέσθαι πᾶσ τισ. ἡ δ’ εὐανδρία διδακτόσ, εἴπερ καὶ βρέφοσ διδάσκεται λέγειν ἀκούειν θ’ ὧν μάθησιν οὐκ ἔχει. ἃ δ’ ἂν μάθῃ τισ, ταῦτα σῴζεσθαι φιλεῖ πρὸσ γῆρασ. οὕτω παῖδασ εὖ παιδεύετε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode 1:

(에우리피데스, Suppliants, episode 1:)

상위

목록

SEARCH

MENU NAVIGATION