Euripides, Suppliants, episode, iambic 1:

(에우리피데스, Suppliants, episode, iambic 1:)

ἐμοὶ λόγοι μέν, μῆτερ, οἱ λελεγμένοι ὀρθῶσ ἔχουσ’ ἐσ τόνδε, κἀπεφηνάμην γνώμην ὑφ’ οἱών ἐσφάλη βουλευμάτων· ὁρῶ δὲ κἀγὼ ταῦθ’ ἅπερ με νουθετεῖσ, ὡσ τοῖσ ἐμοῖσιν οὐχὶ πρόσφορον τρόποισ φεύγειν τὰ δεινά. πολλὰ γὰρ δράσασ καλὰ ἔθοσ τόδ’ εἰσ Ἕλληνασ ἐξελεξάμην, ἀεὶ κολαστὴσ τῶν κακῶν καθεστάναι. οὔκουν ἀπαυδᾶν δυνατόν ἐστί μοι πόνουσ. τί γάρ μ’ ἐροῦσιν οἵ γε δυσμενεῖσ βροτῶν, ὅθ’ ἡ τεκοῦσα χὑπερορρωδοῦσ’ ἐμοῦ πρώτη κελεύεισ τόνδ’ ὑποστῆναι πόνον; δράσω τάδ’· εἶμι καὶ νεκροὺσ ἐκλύσομαι λόγοισι πείθων· εἰ δὲ μή, βίᾳ δορὸσ ἤδη τόδ’ ἔσται κοὐχὶ σὺν φθόνῳ θεῶν. δόξαι δὲ χρῄζω καὶ πόλει πάσῃ τόδε. δόξει δ’ ἐμοῦ θέλοντοσ· ἀλλὰ τοῦ λόγου προσδοὺσ ἔχοιμ’ ἂν δῆμον εὐμενέστερον. καὶ γὰρ κατέστησ’ αὐτὸν ἐσ μοναρχίαν ἐλευθερώσασ τήνδ’ ἰσόψηφον πόλιν. λαβὼν δ’ Ἄδραστον δεῖγμα τῶν ἐμῶν λόγων ἐσ πλῆθοσ ἀστῶν εἶμι· καὶ πείσασ τάδε, λεκτοὺσ ἀθροίσασ δεῦρ’ Ἀθηναίων κόρουσ ἥξω· παρ’ ὅπλοισ θ’ ἥμενοσ πέμψω λόγουσ Κρέοντι νεκρῶν σώματ’ ἐξαιτούμενοσ. ἀλλ’, ὦ γεραιαί, σέμν’ ἀφαιρεῖτε στέφη μητρόσ, πρὸσ οἴκουσ ὥσ νιν Αἰγέωσ ἄγω, φίλην προσάψασ χεῖρα· τοῖσ τεκοῦσι γὰρ δύστηνοσ ὅστισ μὴ ἀντιδουλεύει τέκνων ‐ κάλλιστον ἔρανον· δοὺσ γὰρ ἀντιλάζυται παίδων παρ’ αὑτοῦ τοιάδ’ ἃν τοκεῦσι δῷ.

상위

Suppliants

목록

일치하는 문장이 없습니다.

SEARCH

MENU NAVIGATION