Euripides, Suppliants, episode, iambic

(에우리피데스, Suppliants, episode, iambic)

μῆτερ, τί κλαίεισ λέπτ’ ἐπ’ ὀμμάτων φάρη βαλοῦσα τῶν σῶν; ἆρα δυστήνουσ γόουσ κλύουσα τῶνδε; κἀμὲ γὰρ διῆλθέ τι. ἔπαιρε λευκὸν κρᾶτα, μὴ δακρυρρόει σεμναῖσι Δηοῦσ ἐσχάραισ παρημένη. αἰαῖ. τὰ τούτων οὐχὶ σοὶ στενακτέον. ὦ τλήμονεσ γυναῖκεσ. οὐ σὺ τῶνδ’ ἔφυσ. εἴπω τι, τέκνον, σοί τε καὶ πόλει καλόν; ὡσ πολλά γ’ ἐστὶ κἀπὸ θηλειῶν σοφά. ἀλλ’ εἰσ ὄκνον μοι μῦθοσ ὃν κεύθω φέρει. αἰσχρόν γ’ ἔλεξασ, χρήστ’ ἔπη κρύπτειν φίλοισ. οὔτοι σιωπῶσ’ εἶτα μέμψομαί ποτε τὴν νῦν σιωπὴν ὡσ ἐσιγήθη κακῶσ, οὐδ’ ὡσ ἀχρεῖον τὰσ γυναῖκασ εὖ λέγειν δείσασ’ ἀφήσω τῷ φόβῳ τοὐμὸν καλόν. ἐγὼ δέ σ’, ὦ παῖ, πρῶτα μὲν τὰ τῶν θεῶν σκοπεῖν κελεύω μὴ σφαλῇσ ἀτιμάσασ· τἄλλ’ εὖ φρονῶν γάρ, ἐν μόνῳ τούτῳ ’σφάλησ. πρὸσ τοῖσδε δ’, εἰ μὲν μὴ ἀδικουμένοισ ἐχρῆν τολμηρὸν εἶναι, κάρτ’ ἂν εἶχον ἡσύχωσ· νῦν δ’ ἴσθι σοί τε τοῦθ’ ὅσην τιμὴν φέρει, κἀμοὶ παραινεῖν οὐ φόβον φέρει, τέκνον, ἄνδρασ βιαίουσ καὶ κατείργοντασ νεκροὺσ τάφου τε μοίρασ καὶ κτερισμάτων λαχεῖν ἐσ τήνδ’ ἀνάγκην σῇ καταστῆσαι χερί, νόμιμά τε πάσησ συγχέοντασ Ἑλλάδοσ παῦσαι· τὸ γάρ τοι συνέχον ἀνθρώπων πόλεισ τοῦτ’ ἔσθ’, ὅταν τισ τοὺσ νόμουσ σῴζῃ καλῶσ. ἐρεῖ δὲ δή τισ ὡσ ἀνανδρίᾳ χερῶν, πόλει παρόν σοι στέφανον εὐκλείασ λαβεῖν, δείσασ ἀπέστησ, καὶ συὸσ μὲν ἀγρίου ἀγῶνοσ ἥψω φαῦλον ἀθλήσασ πόνον, οὗ δ’ ἐσ κράνοσ βλέψαντα καὶ λόγχησ ἀκμὴν χρῆν ἐκπονῆσαι, δειλὸσ ὢν ἐφηυρέθησ. μὴ δῆτ’ ἐμόσ γ’ ὤν, ὦ τέκνον, δράσῃσ τάδε. ὁρᾷσ, ἄβουλοσ ὡσ κεκερτομημένη τοῖσ κερτομοῦσι γοργὸν ὄμμ’ ἀναβλέπει σὴ πατρίσ; ἐν γὰρ τοῖσ πόνοισιν αὔξεται· αἱ δ’ ἥσυχοι σκοτεινὰ πράσσουσαι πόλεισ σκοτεινὰ καὶ βλέπουσιν εὐλαβούμεναι. οὐκ εἶ νεκροῖσι καὶ γυναιξὶν ἀθλίαισ προσωφελήσων, ὦ τέκνον, κεχρημέναισ; ὡσ οὔτε ταρβῶ σὺν δίκῃ σ’ ὁρμώμενον, Κάδμου θ’ ὁρῶσα λαὸν εὖ πεπραγότα, ἔτ’ αὐτὸν ἄλλα βλήματ’ ἐν κύβοισ βαλεῖν πέποιθ’· ὁ γὰρ θεὸσ πάντ’ ἀναστρέφει πάλιν. ὦ φιλτάτη μοι, τῷδέ τ’ εἴρηκασ καλῶσ κἀμοί· διπλοῦν δὲ χάρμα γίγνεται τόδε.

상위

Suppliants

목록

일치하는 문장이 없습니다.

SEARCH

MENU NAVIGATION