헬라어 문장 검색 - ΕυριπίΣυππλιά03́2́

(에우리피데스, Suppliants, episode, iambic)

μῆτερ, τί κλαίεισ λέπτ’ ἐπ’ ὀμμάτων φάρη βαλοῦσα τῶν σῶν; ἆρα δυστήνουσ γόουσ κλύουσα τῶνδε; κἀμὲ γὰρ διῆλθέ τι. ἔπαιρε λευκὸν κρᾶτα, μὴ δακρυρρόει σεμναῖσι Δηοῦσ ἐσχάραισ παρημένη. αἰαῖ. τὰ τούτων οὐχὶ σοὶ στενακτέον. ὦ τλήμονεσ γυναῖκεσ. οὐ σὺ τῶνδ’ ἔφυσ. εἴπω τι, τέκνον, σοί τε καὶ πόλει καλόν; ὡσ πολλά γ’ ἐστὶ κἀπὸ θηλειῶν σοφά. ἀλλ’ εἰσ ὄκνον μοι μῦθοσ ὃν κεύθω φέρει. αἰσχρόν γ’ ἔλεξασ, χρήστ’ ἔπη κρύπτειν φίλοισ. οὔτοι σιωπῶσ’ εἶτα μέμψομαί ποτε τὴν νῦν σιωπὴν ὡσ ἐσιγήθη κακῶσ, οὐδ’ ὡσ ἀχρεῖον τὰσ γυναῖκασ εὖ λέγειν δείσασ’ ἀφήσω τῷ φόβῳ τοὐμὸν καλόν. ἐγὼ δέ σ’, ὦ παῖ, πρῶτα μὲν τὰ τῶν θεῶν σκοπεῖν κελεύω μὴ σφαλῇσ ἀτιμάσασ· τἄλλ’ εὖ φρονῶν γάρ, ἐν μόνῳ τούτῳ ’σφάλησ. πρὸσ τοῖσδε δ’, εἰ μὲν μὴ ἀδικουμένοισ ἐχρῆν τολμηρὸν εἶναι, κάρτ’ ἂν εἶχον ἡσύχωσ· νῦν δ’ ἴσθι σοί τε τοῦθ’ ὅσην τιμὴν φέρει, κἀμοὶ παραινεῖν οὐ φόβον φέρει, τέκνον, ἄνδρασ βιαίουσ καὶ κατείργοντασ νεκροὺσ τάφου τε μοίρασ καὶ κτερισμάτων λαχεῖν ἐσ τήνδ’ ἀνάγκην σῇ καταστῆσαι χερί, νόμιμά τε πάσησ συγχέοντασ Ἑλλάδοσ παῦσαι· τὸ γάρ τοι συνέχον ἀνθρώπων πόλεισ τοῦτ’ ἔσθ’, ὅταν τισ τοὺσ νόμουσ σῴζῃ καλῶσ. ἐρεῖ δὲ δή τισ ὡσ ἀνανδρίᾳ χερῶν, πόλει παρόν σοι στέφανον εὐκλείασ λαβεῖν, δείσασ ἀπέστησ, καὶ συὸσ μὲν ἀγρίου ἀγῶνοσ ἥψω φαῦλον ἀθλήσασ πόνον, οὗ δ’ ἐσ κράνοσ βλέψαντα καὶ λόγχησ ἀκμὴν χρῆν ἐκπονῆσαι, δειλὸσ ὢν ἐφηυρέθησ. μὴ δῆτ’ ἐμόσ γ’ ὤν, ὦ τέκνον, δράσῃσ τάδε. ὁρᾷσ, ἄβουλοσ ὡσ κεκερτομημένη τοῖσ κερτομοῦσι γοργὸν ὄμμ’ ἀναβλέπει σὴ πατρίσ; ἐν γὰρ τοῖσ πόνοισιν αὔξεται· αἱ δ’ ἥσυχοι σκοτεινὰ πράσσουσαι πόλεισ σκοτεινὰ καὶ βλέπουσιν εὐλαβούμεναι. οὐκ εἶ νεκροῖσι καὶ γυναιξὶν ἀθλίαισ προσωφελήσων, ὦ τέκνον, κεχρημέναισ; ὡσ οὔτε ταρβῶ σὺν δίκῃ σ’ ὁρμώμενον, Κάδμου θ’ ὁρῶσα λαὸν εὖ πεπραγότα, ἔτ’ αὐτὸν ἄλλα βλήματ’ ἐν κύβοισ βαλεῖν πέποιθ’· ὁ γὰρ θεὸσ πάντ’ ἀναστρέφει πάλιν. ὦ φιλτάτη μοι, τῷδέ τ’ εἴρηκασ καλῶσ κἀμοί· διπλοῦν δὲ χάρμα γίγνεται τόδε. ἐμοὶ λόγοι μέν, μῆτερ, οἱ λελεγμένοι ὀρθῶσ ἔχουσ’ ἐσ τόνδε, κἀπεφηνάμην γνώμην ὑφ’ οἱών ἐσφάλη βουλευμάτων· ὁρῶ δὲ κἀγὼ ταῦθ’ ἅπερ με νουθετεῖσ, ὡσ τοῖσ ἐμοῖσιν οὐχὶ πρόσφορον τρόποισ φεύγειν τὰ δεινά. πολλὰ γὰρ δράσασ καλὰ ἔθοσ τόδ’ εἰσ Ἕλληνασ ἐξελεξάμην, ἀεὶ κολαστὴσ τῶν κακῶν καθεστάναι. οὔκουν ἀπαυδᾶν δυνατόν ἐστί μοι πόνουσ. τί γάρ μ’ ἐροῦσιν οἵ γε δυσμενεῖσ βροτῶν, ὅθ’ ἡ τεκοῦσα χὑπερορρωδοῦσ’ ἐμοῦ πρώτη κελεύεισ τόνδ’ ὑποστῆναι πόνον; δράσω τάδ’· εἶμι καὶ νεκροὺσ ἐκλύσομαι λόγοισι πείθων· εἰ δὲ μή, βίᾳ δορὸσ ἤδη τόδ’ ἔσται κοὐχὶ σὺν φθόνῳ θεῶν. δόξαι δὲ χρῄζω καὶ πόλει πάσῃ τόδε. δόξει δ’ ἐμοῦ θέλοντοσ· ἀλλὰ τοῦ λόγου προσδοὺσ ἔχοιμ’ ἂν δῆμον εὐμενέστερον. καὶ γὰρ κατέστησ’ αὐτὸν ἐσ μοναρχίαν ἐλευθερώσασ τήνδ’ ἰσόψηφον πόλιν. λαβὼν δ’ Ἄδραστον δεῖγμα τῶν ἐμῶν λόγων ἐσ πλῆθοσ ἀστῶν εἶμι· καὶ πείσασ τάδε, λεκτοὺσ ἀθροίσασ δεῦρ’ Ἀθηναίων κόρουσ ἥξω· παρ’ ὅπλοισ θ’ ἥμενοσ πέμψω λόγουσ Κρέοντι νεκρῶν σώματ’ ἐξαιτούμενοσ. ἀλλ’, ὦ γεραιαί, σέμν’ ἀφαιρεῖτε στέφη μητρόσ, πρὸσ οἴκουσ ὥσ νιν Αἰγέωσ ἄγω, φίλην προσάψασ χεῖρα· τοῖσ τεκοῦσι γὰρ δύστηνοσ ὅστισ μὴ ἀντιδουλεύει τέκνων ‐ κάλλιστον ἔρανον· δοὺσ γὰρ ἀντιλάζυται παίδων παρ’ αὑτοῦ τοιάδ’ ἃν τοκεῦσι δῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode, iambic

(에우리피데스, Suppliants, episode, iambic)

상위

목록

SEARCH

MENU NAVIGATION