Euripides, Suppliants, episode 4:

(에우리피데스, Suppliants, episode 4:)

ἧσ καὶ σὺ φαίνῃ δεκάδοσ, οὐ σοφὸσ γεγώσ, ὅστισ κόρασ μὲν θεσφάτοισ Φοίβου ζυγεὶσ ξένοισιν ὧδ’ ἔδωκασ ὡσ ζώντων θεῶν, λαμπρὸν δὲ θολερῷ δῶμα συμμείξασ τὸ σὸν ἥλκωσασ οἴκουσ· χρῆν γὰρ οὐδὲ σώματα ἄδικα δικαίοισ τὸν σοφὸν συμμιγνύναι, εὐδαιμονοῦντασ δ’ ἐσ δόμουσ κτᾶσθαι φίλουσ. κοινὰσ γὰρ ὁ θεὸσ τὰσ τύχασ ἡγούμενοσ τοῖσ τοῦ νοσοῦντοσ πήμασιν διώλεσε τὸν συννοσοῦντα κοὐδὲν ἠδικηκότα. ἐσ δὲ στρατείαν πάντασ Ἀργείουσ ἄγων, μάντεων λεγόντων θέσφατ’, εἶτ’ ἀτιμάσασ βίᾳ παρελθὼν θεοὺσ ἀπώλεσασ πόλιν, νέοισ παραχθείσ, οἵτινεσ τιμώμενοι χαίρουσι πολέμουσ τ’ αὐξάνουσ’ ἄνευ δίκησ, φθείροντεσ ἀστούσ, ὁ μὲν ὅπωσ στρατηλατῇ, ὁ δ’ ὡσ ὑβρίζῃ δύναμιν ἐσ χεῖρασ λαβών, ἄλλοσ δὲ κέρδουσ οὕνεκ’, οὐκ ἀποσκοπῶν τὸ πλῆθοσ εἴ τι βλάπτεται πάσχον τάδε. τρεῖσ γὰρ πολιτῶν μερίδεσ· οἳ μὲν ὄλβιοι ἀνωφελεῖσ τε πλειόνων τ’ ἐρῶσ’ ἀεί· οἳ δ’ οὐκ ἔχοντεσ καὶ σπανίζοντεσ βίου δεινοί, νέμοντεσ τῷ φθόνῳ πλέον μέροσ, ἐσ τοὺσ ἔχοντασ κέντρ’ ἀφιᾶσιν κακά, γλώσσαισ πονηρῶν προστατῶν φηλούμενοι· τριῶν δὲ μοιρῶν ἡ ’ν μέσῳ σῴζει πόλεισ, κόσμον φυλάσσουσ’ ὅντιν’ ἂν τάξῃ πόλισ. κἄπειτ’ ἐγώ σοι σύμμαχοσ γενήσομαι; τί πρὸσ πολίτασ τοὺσ ἐμοὺσ λέγων καλόν; χαίρων ἴθ’· εἰ γὰρ μὴ βεβούλευσαι καλῶσ, αὐτὸσ πιέζειν τὴν τύχην, ἡμᾶσ δ’ ἐᾶν. ἥμαρτεν· ἐν νέοισι δ’ ἀνθρώπων τόδε ἔνεστι· συγγνώμην δὲ τῷδ’ ἔχειν χρεών. ἀλλ’ ὡσ ἰατρὸν τῶνδ’, ἄναξ, ἀφίγμεθα.

상위

Suppliants

목록

일치하는 문장이 없습니다.

SEARCH

MENU NAVIGATION