Euripides, Rhesus, episode 1:

(에우리피데스, Rhesus, episode 1:)

ποῖ δὴ λιπόντεσ Τρωικῶν ἐκ τάξεων χωρεῖτε, λύπῃ καρδίαν δεδηγμένοι, εἰ μὴ κτανεῖν σφῷν Ἕκτορ’ ἢ Πάριν θεὸσ δίδωσιν; ἄνδρα δ’ οὐ πέπυσθε σύμμαχον Τροίᾳ μολόντα Ῥῆσον οὐ φαύλῳ τρόπῳ. ὃσ εἰ διοίσει νύκτα τήνδ’ ἐσ αὔριον, οὔτε σφ’ Ἀχιλλεὺσ οὔτ’ ἂν Αἰάντοσ δόρυ μὴ πάντα πέρσαι ναύσταθμ’ Ἀργείων σχέθοι, τείχη κατασκάψαντα καὶ πυλῶν ἔσω λόγχῃ πλατεῖαν ἐσδρομὴν ποιούμενον. τοῦτον κατακτὰσ πάντ’ ἔχεισ. τὰσ δ’ Ἕκτοροσ εὐνὰσ ἐάσον καὶ καρατόμουσ σφαγάσ· ἔσται γὰρ αὐτῷ θάνατοσ ἐξ ἄλλησ χερόσ. δέσποιν’ Ἀθάνα, φθέγματοσ γὰρ ᾐσθόμην τοῦ σοῦ συνήθη γῆρυν· ἐν πόνοισι γὰρ παροῦσ’ ἀμύνεισ τοῖσ ἐμοῖσ ἀεί ποτε· τὸν ἄνδρα δ’ ἡμῖν, ποῦ κατηύνασται, φράσον· πόθεν τέτακται βαρβάρου στρατεύματοσ; ὅδ’ ἐγγὺσ ἧσται κοὐ συνήθροισται στρατῷ, ἀλλ’ ἐκτὸσ αὐτὸν τάξεων κατηύνασεν Ἕκτωρ, ἑώσ ἂν νὺξ ἀμείψηται φάοσ. πέλασ δὲ πῶλοι Θρῃκίων ἐξ ἁρμάτων λευκαὶ δέδενται, διαπρεπεῖσ ἐν εὐφρόνῃ· στίλβουσι δ’ ὥστε ποταμίου κύκνου πτερόν. ταύτασ, κτανόντεσ δεσπότην, κομίζετε, κάλλιστον οἴκοισ σκῦλον· οὐ γὰρ ἔσθ’ ὅπου τοιόνδ’ ὄχημα χθὼν κέκευθε πωλικόν. Διόμηδεσ, ἢ σὺ κτεῖνε Θρῄκιον λεών, ἢ ’μοὶ πάρεσ γε, σοὶ δὲ χρὴ πώλουσ μέλειν. ἐγὼ φονεύσω, πωλοδαμνήσεισ δὲ σύ· τρίβων γὰρ εἶ τὰ κομψὰ καὶ νοεῖν σοφόσ. χρὴ δ’ ἄνδρα τάσσειν οὗ μάλιστ’ ἂν ὠφελοῖ. καὶ μὴν καθ’ ἡμᾶσ τόνδ’ Ἀλέξανδρον βλέπω στείχοντα, φυλάκων ἔκ τινοσ πεπυσμένον δόξασ ἀσήμουσ πολεμίων μεμβλωκότων. πότερα σὺν ἄλλοισ ἢ μόνοσ πορεύεται; μόνοσ· πρὸσ εὐνὰσ δ’, ὡσ ἐοίκεν, Ἕκτοροσ χωρεῖ, κατόπτασ σημανῶν ἥκειν στρατοῦ. οὐκ οὖν ὑπάρχειν τόνδε κατθανόντα χρή; οὐκ ἂν δύναιο τοῦ πεπρωμένου πλέον. τοῦτον δὲ πρὸσ σῆσ χειρὸσ οὐ θέμισ θανεῖν. ἀλλ’ ᾧπερ ἥκεισ μορσίμουσ φέρων σφαγάσ, τάχυν’· ἐγὼ δέ, τῷδε σύμμαχοσ Κύπρισ δοκοῦσ’ ἀρωγὸσ ἐν πόνοισ παραστατεῖν, σαθροῖσ λόγοισιν ἐχθρὸν ἄνδρ’ ἀμείψομαι. καὶ ταῦτ’ ἐγὼ μὲν εἶπον· ὃν δὲ χρὴ παθεῖν, οὐκ οἶδεν οὐδ’ ἤκουσεν ἐγγὺσ ὢν λόγου.

상위

Rhesus

목록

일치하는 문장이 없습니다.

SEARCH

MENU NAVIGATION