Euripides, Rhesus, episode

(에우리피데스, Rhesus, episode)

Διόμηδεσ, οὐκ ἤκουσασ ‐ ἢ κενὸσ ψόφοσ στάζει δι’ ὤτων; ‐ τευχέων τινὰ κτύπον; οὔκ, ἀλλὰ δεσμὰ πωλικῶν ἐξ ἀντύγων κλάζει σιδήρου· κἀμέ τοι, πρὶν ᾐσθόμην δεσμῶν ἀραγμὸν ἱππικῶν, ἔδυ φόβοσ. ὁρ́α κατ’ ὄρφνην μὴ φύλαξιν ἐντύχῃσ. φυλάξομαί τοι κἀν σκότῳ τιθεὶσ πόδα. ἢν δ’ οὖν ἐγείρῃσ, οἶσθα σύνθημα στρατοῦ; <20Φοῖβον>20 Δόλωνοσ οἶδα σύμβολον κλύων. ἐά· εὐνὰσ ἐρήμουσ τάσδε πολεμίων ὁρῶ. καὶ μὴν Δόλων γε τάσδ’ ἔφραζεν Ἕκτοροσ κοίτασ, ἐφ’ ᾧπερ ἔγχοσ εἵλκυσται τόδε. τί δῆτ’ ἂν εἰή; μῶν λόχοσ βέβηκέ ποι; ἴσωσ ἐφ’ ἡμῖν μηχανὴν στήσων τινά. θρασὺσ γὰρ Ἕκτωρ νῦν, ἐπεὶ κρατεῖ, θρασύσ. τί δῆτ’, Ὀδυσσεῦ, δρῶμεν; οὐ γὰρ ηὑρ́ομεν τὸν ἄνδρ’ ἐν εὐναῖσ, ἐλπίδων δ’ ἡμάρτομεν. στείχωμεν ὡσ τάχιστα ναυστάθμων πέλασ. σῴζει γὰρ αὐτὸν ὅστισ εὐτυχῆ θεῶν τίθησιν· ἡμῖν δ’ οὐ βιαστέον τύχην. οὐκ οὖν ἐπ’ Αἰνέαν ἢ τὸν ἔχθιστον Φρυγῶν Πάριν μολόντε χρὴ καρατομεῖν ξίφει; πῶσ οὖν ἐν ὄρφνῃ πολεμίων ἀνὰ στρατὸν ζητῶν δυνήσῃ τούσδ’ ἀκινδύνωσ κτανεῖν; αἰσχρόν γε μέντοι ναῦσ ἐπ’ Ἀργείων μολεῖν δράσαντε μηδὲν πολεμίουσ νεώτερον. πῶσ δ’ οὐ δέδρακασ; οὐ κτανόντε ναυστάθμων κατάσκοπον Δόλωνα σῴζομεν τάδε σκυλεύματ’; ἢ πᾶν στρατόπεδον πέρσειν δοκεῖσ; πείθεισ, πάλιν στείχωμεν· εὖ δ’ εἰή τυχεῖν.

상위

Rhesus

목록

일치하는 문장이 없습니다.

SEARCH

MENU NAVIGATION