Euripides, Rhesus, choral, strophe 1

τίνοσ ἁ φυλακά; τίσ ἀμείβει τὰν ἐμάν; πρῶτα δύεται σημεῖα καὶ ἑπτάποροι Πλειάδεσ αἰθέριαι· μέσα δ’ αἰετὸσ οὐρανοῦ ποτᾶται. ‐ ἔγρεσθε, τί μέλλετε; κοιτᾶν ἔγρεσθε πρὸσ φυλακάν. οὐ λεύσσετε μηνάδοσ αἴγλαν; ‐ ἀὼσ δὴ πέλασ, ἀὼσ γίγνεται, καί τισ προδρόμων ὅδε γ’ ἐστὶν ἀστήρ. ‐ τίσ ἐκηρύχθη πρώτην φυλακήν; ‐ Μυγδόνοσ υἱόν φασι Κόροιβον. ‐ τίσ γὰρ ἐπ’ αὐτῷ; ‐ Κίλικασ Παίων στρατὸσ ἤγειρεν, Μυσοὶ δ’ ἡμᾶσ. ‐ οὐκ οὖν Λυκίουσ πέμπτην φυλακὴν βάντασ ἐγείρειν καιρὸσ κλήρου κατὰ μοῖραν;