헬라어 문장 검색 - ΕυριπίΡηεσυσ́6́4́2́

(에우리피데스, Rhesus, episode, iambic 2:)

μόνοσ μάχεσθαι πολεμίοισ, Ἕκτορ, θέλω. εἰ δ’ αἰσχρὸν ἡγῇ μὴ συνεμπρῆσαι νεῶν πρύμνασ, πονήσασ τὸν πάροσ πολὺν χρόνον, τάξον μ’ Ἀχιλλέωσ καὶ στρατοῦ κατὰ στόμα. οὐκ ἔστ’ ἐκείνῳ θοῦρον ἐντάξαι δόρυ. καὶ μὴν λόγοσ γ’ ἦν ὡσ ἔπλευσ’ ἐπ’ Ἴλιον. ἔπλευσε καὶ πάρεστιν· ἀλλὰ μηνίων στρατηλάταισιν οὐ συναίρεται δόρυ. τίσ δὴ μετ’ αὐτὸν ἄλλοσ εὐδοξεῖ στρατοῦ; Αἰάσ ἐμοὶ μὲν οὐδὲν ἡσσᾶσθαι δοκεῖ χὡ Τυδέωσ παῖσ· ἔστι δ’ αἱμυλώτατον κρότημ’ Ὀδυσσεύσ, λῆμά τ’ ἀρκούντωσ θρασὺσ καὶ πλεῖστα χώραν τήνδ’ ἀνὴρ καθυβρίσασ· ὃσ εἰσ Ἀθάνασ σηκὸν ἔννυχοσ μολὼν κλέψασ ἄγαλμα ναῦσ ἐπ’ Ἀργείων φέρει. ἤδη δ’ ἀγύρτησ πτωχικὴν ἔχων στολὴν ἐσῆλθε πύργουσ, πολλὰ δ’ Ἀργείοισ κακὰ ἠρᾶτο, πεμφθεὶσ Ἰλίου κατάσκοποσ· κτανὼν δὲ φρουροὺσ καὶ παραστάτασ πυλῶν ἐξῆλθεν· αἰεὶ δ’ ἐν λόχοισ εὑρίσκεται Θυμβραῖον ἀμφὶ βωμὸν ἄστεωσ πέλασ θάσσων· κακῷ δὲ μερμέρῳ παλαίομεν. οὐδεὶσ ἀνὴρ εὔψυχοσ ἀξιοῖ λάθρᾳ κτεῖναι τὸν ἐχθρόν, ἀλλ’ ἰὼν κατὰ στόμα. τοῦτον δ’ ὃν ἵζειν φὴσ σὺ κλωπικὰσ ἕδρασ καὶ μηχανᾶσθαι, ζῶντα συλλαβὼν ἐγὼ πυλῶν ἐπ’ ἐξόδοισιν ἀμπείρασ ῥάχιν στήσω πετεινοῖσ γυψὶ θοινατήριον. λῃστὴν γὰρ ὄντα καὶ θεῶν ἀνάκτορα συλῶντα δεῖ νιν τῷδε κατθανεῖν μόρῳ. νῦν μὲν καταυλίσθητε· καὶ γὰρ εὐφρόνη. δείξω δ’ ἐγώ σοι χῶρον, ἔνθα χρὴ στρατὸν τὸν σὸν νυχεῦσαι τοῦ τεταγμένου δίχα. ξύνθημα δ’ ἡμῖν Φοῖβοσ, ἤν τι καὶ δέῃ· μέμνησ’ ἀκούσασ, Θρῃκί τ’ ἄγγειλον στρατῷ. ὑμᾶσ δὲ βάντασ χρὴ προταινὶ τάξεων φρουρεῖν ἐγερτὶ καὶ νεῶν κατάσκοπον δέχθαι Δόλωνα· καὶ γάρ, εἴπερ ἐστὶ σῶσ, ἤδη πελάζει στρατοπέδοισι Τρωικοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode, iambic 2:

(에우리피데스, Rhesus, episode, iambic 2:)

상위

목록

SEARCH

MENU NAVIGATION