Euripides, Rhesus, episode 1:

(에우리피데스, Rhesus, episode 1:)

καὶ μὴν ὅδ’ Αἰνέασ καὶ μάλα σπουδῇ ποδὸσ στείχει, νέον τι πρᾶγμ’ ἔχων φίλοισ φράσαι. Ἕκτορ, τί χρῆμα νύκτεροι κατὰ στρατὸν τὰσ σὰσ πρὸσ εὐνὰσ φύλακεσ ἐλθόντεσ φόβῳ νυκτηγοροῦσι καὶ κεκίνηται· στρατόσ; Αἰνέα, πύκαζε τεύχεσιν δέμασ σέθεν. τί δ’ ἔστι; μῶν τισ πολεμίων ἀγγέλλεται δόλοσ κρυφαῖοσ ἑστάναι κατ’ εὐφρόνην; φεύγουσιν ἅνδρεσ κἀπιβαίνουσιν νεῶν. τί τοῦδ’ ἂν εἴποισ ἀσφαλὲσ τεκμήριον; αἴθουσι πᾶσαν νύκτα λαμπάδασ πυρόσ· καί μοι δοκοῦσιν οὐ μενεῖν ἐσ αὔριον, ἀλλ’ ἐκκέαντεσ πύρσ’ ἐπ’ εὐσέλμων νεῶν φυγῇ πρὸσ οἴκουσ τῆσδ’ ἀφορμήσειν χθονόσ. σὺ δ’ ὡσ τί δράσων πρὸσ τάδ’ ὁπλίζῃ χέρασ; φεύγοντασ αὐτοὺσ κἀπιθρῴσκοντασ νεῶν λόγχῃ καθέξω κἀπικείσομαι βαρύσ· αἰσχρὸν γὰρ ἡμῖν, καὶ πρὸσ αἰσχύνῃ κακόν, θεοῦ διδόντοσ πολεμίουσ ἄνευ μάχησ φεύγειν ἐᾶσαι πολλὰ δράσαντασ κακά. εἴθ’ ἦσθ’ ἀνὴρ εὔβουλοσ ὡσ δρᾶσαι χερί. ἀλλ’ οὐ γὰρ αὑτὸσ πάντ’ ἐπίστασθαι βροτῶν πέφυκεν· ἄλλῳ δ’ ἄλλο πρόσκειται γέρασ, σὲ μὲν μάχεσθαι, τοὺσ δὲ βουλεύειν καλῶσ· ὅστισ πυρὸσ λαμπτῆρασ ἐξήρθησ κλύων φλέγειν Ἀχαιούσ, καὶ στρατὸν μέλλεισ ἄγειν τάφρουσ ὑπερβὰσ νυκτὸσ ἐν καταστάσει. καίτοι περάσασ κοῖλον αὐλώνων βάθοσ, εἰ μὴ κυρήσεισ πολεμίουσ ἀπὸ χθονὸσ φεύγοντασ, ἀλλὰ σὸν βλέποντασ ἐσ δόρυ, νικώμενοσ μὲν οὔτι μὴ μόλῃσ πάλιν· πῶσ γὰρ περάσει σκόλοπασ ἐν τροπῇ στρατόσ; πῶσ δ’ αὖ γεφύρασ διαβαλοῦσ’ ἱππηλάται, ἢν ἆρα μὴ θραύσαντεσ ἀντύγων χνόασ; νικῶν δ’ ἔφεδρον παῖδ’ ἔχεισ τὸν Πηλέωσ, ὅσ σ’ οὐκ ἐάσει ναυσὶν ἐμβαλεῖν φλόγα, οὐδ’ ὧδ’ Ἀχαιούσ, ὡσ δοκεῖσ, ἀναρπάσαι. αἴθων γὰρ ἁνὴρ καὶ πεπύργωται χερί. ἀλλὰ στρατὸν μὲν ἥσυχον παρ’ ἀσπίδασ εὕδειν ἐῶμεν ἐκ κόπων ἀρειφάτων, κατάσκοπον δὲ πολεμίων, ὃσ ἂν θέλῃ, πέμπειν δοκεῖ μοι· κἂν μὲν αἴρωνται φυγήν, στείχοντεσ ἐμπέσωμεν Ἀργείων στρατῷ· εἰ δ’ ἐσ δόλον τιν’ ἥδ’ ἄγει φρυκτωρία, μαθόντεσ ἐχθρῶν μηχανὰσ κατασκόπου βουλευσόμεσθα· τήνδ’ ἔχω γνώμην, ἄναξ.

일치하는 문장이 없습니다.

SEARCH

MENU NAVIGATION