헬라어 문장 검색 - ΕυριπίΠηοενισ́11́6́

(에우리피데스, Phoenissae, episode, lyric)

ἴθ’ ἐσ φυγὰν τάλαιναν· ὄρεγε χέρα φίλαν, πάτερ γεραιέ, πομπίμαν ἔχων ἔμ’ ὥστε ναυσίπομπον αὔραν. <ἰδοὺ> ἰδού, πορεύομαι· τέκνον, σύ μοι ποδαγὸσ ἀθλία γενοῦ. γενόμεθα γενόμεθ’, ἄθλιαί γε δῆτα Θηβαιᾶν μάλιστα παρθένων. πόθι γεραιὸν ἴχνοσ τίθημι; βάκτρα πρόσφερ’, ὦ τέκνον. τᾷδε τᾷδε βᾶθί μοι, τᾷδε τᾷδε πόδα τιθείσ, ὥστ’ ὄνειρον ἰσχύν. ἰὼ ἰώ, δυστυχεστάτασ φυγὰσ ἐλαύνων τὸν γέροντά μ’ ἐκ πάτρασ. ἰὼ ἰώ, δεινὰ δείν’ ἐγὼ τλάσ. τί τλάσ; τί τλάσ; οὐχ ὁρᾷ Δίκα κακούσ, οὐδ’ ἀμείβεται βροτῶν ἀσυνεσίασ. ὅδ’ εἰμὶ μοῦσαν ὃσ ἐπὶ καλ‐ λίνικον οὐράνιον ἔβαν <μειξο>παρθένου κόρασ αἴνιγμ’ ἀσύνετον εὑρών. Σφιγγὸσ ἀναφέρεισ ὄνειδοσ. ἄπαγε τὰ πάροσ εὐτυχήματ’ αὐδῶν. τάδε σ’ ἐπέμενε μέλεα πάθεα φυγάδα πατρίδοσ ἄπο γενόμενον, ὦ πάτερ, θανεῖν που. ποθεινὰ δάκρυα παρὰ φίλαισι παρθένοισ λιποῦσ’ ἄπειμι πατρίδοσ ἀποπρὸ γαίασ ἀπαρθένευτ’ ἀλωμένα.

φεῦ τὸ χρήσιμον φρενῶν ἐσ πατρόσ γε συμφορὰσ εὐκλεᾶ με θήσει· τάλαιν’ ἐγὼ <σῶν> συγγόνου θ’ ὑβρισμάτων, ὃσ ἐκ δόμων νέκυσ ἄθαπτοσ οἴχεται μέλεοσ, ὅν, εἴ με καὶ θανεῖν, πάτερ, χρεών, σκότια γᾷ καλύψω. πρὸσ ἥλικασ φάνηθι σάσ. ἅλισ ὀδυρμάτων ἐμῶν. σὺ δ’ ἀμφὶ βωμίουσ λιτὰσ ‐ κόρον ἔχουσ’ ἐμῶν κακῶν. ἴθ’ ἀλλὰ Βρόμιοσ ἵνα τε σηκὸσ ἄβατοσ ὄρεσι μαινάδων. Καδμείαν ᾧ νεβρίδα στολιδωσαμένα ποτ’ ἐγὼ Σεμέλασ θίασον ἱερὸν ὄρεσιν ἀνεχόρευσα, χάριν ἀχάριτον ἐσ θεοὺσ διδοῦσα;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, Phoenissae, episode, lyric

(에우리피데스, Phoenissae, episode, lyric)

상위

목록

SEARCH

MENU NAVIGATION