Euripides, Phoenissae, episode, lyric

(에우리피데스, Phoenissae, episode, lyric)

ἴθ’ ἐσ φυγὰν τάλαιναν· ὄρεγε χέρα φίλαν, πάτερ γεραιέ, πομπίμαν ἔχων ἔμ’ ὥστε ναυσίπομπον αὔραν. <ἰδοὺ> ἰδού, πορεύομαι· τέκνον, σύ μοι ποδαγὸσ ἀθλία γενοῦ. γενόμεθα γενόμεθ’, ἄθλιαί γε δῆτα Θηβαιᾶν μάλιστα παρθένων. πόθι γεραιὸν ἴχνοσ τίθημι; βάκτρα πρόσφερ’, ὦ τέκνον. τᾷδε τᾷδε βᾶθί μοι, τᾷδε τᾷδε πόδα τιθείσ, ὥστ’ ὄνειρον ἰσχύν. ἰὼ ἰώ, δυστυχεστάτασ φυγὰσ ἐλαύνων τὸν γέροντά μ’ ἐκ πάτρασ. ἰὼ ἰώ, δεινὰ δείν’ ἐγὼ τλάσ. τί τλάσ; τί τλάσ; οὐχ ὁρᾷ Δίκα κακούσ, οὐδ’ ἀμείβεται βροτῶν ἀσυνεσίασ. ὅδ’ εἰμὶ μοῦσαν ὃσ ἐπὶ καλ‐ λίνικον οὐράνιον ἔβαν <μειξο>παρθένου κόρασ αἴνιγμ’ ἀσύνετον εὑρών. Σφιγγὸσ ἀναφέρεισ ὄνειδοσ. ἄπαγε τὰ πάροσ εὐτυχήματ’ αὐδῶν. τάδε σ’ ἐπέμενε μέλεα πάθεα φυγάδα πατρίδοσ ἄπο γενόμενον, ὦ πάτερ, θανεῖν που. ποθεινὰ δάκρυα παρὰ φίλαισι παρθένοισ λιποῦσ’ ἄπειμι πατρίδοσ ἀποπρὸ γαίασ ἀπαρθένευτ’ ἀλωμένα.

φεῦ τὸ χρήσιμον φρενῶν ἐσ πατρόσ γε συμφορὰσ εὐκλεᾶ με θήσει· τάλαιν’ ἐγὼ <σῶν> συγγόνου θ’ ὑβρισμάτων, ὃσ ἐκ δόμων νέκυσ ἄθαπτοσ οἴχεται μέλεοσ, ὅν, εἴ με καὶ θανεῖν, πάτερ, χρεών, σκότια γᾷ καλύψω. πρὸσ ἥλικασ φάνηθι σάσ. ἅλισ ὀδυρμάτων ἐμῶν. σὺ δ’ ἀμφὶ βωμίουσ λιτὰσ ‐ κόρον ἔχουσ’ ἐμῶν κακῶν. ἴθ’ ἀλλὰ Βρόμιοσ ἵνα τε σηκὸσ ἄβατοσ ὄρεσι μαινάδων. Καδμείαν ᾧ νεβρίδα στολιδωσαμένα ποτ’ ἐγὼ Σεμέλασ θίασον ἱερὸν ὄρεσιν ἀνεχόρευσα, χάριν ἀχάριτον ἐσ θεοὺσ διδοῦσα;

SEARCH

MENU NAVIGATION