헬라어 문장 검색 - ΕυριπίΠηοενισ́11́5́03́

(에우리피데스, Phoenissae, episode, iambic 3:)

σοί τ’ εὖ λέλεκται γόνατα μὴ χρῴζειν ἐμά, ἐγὼ δὲ ναίειν σ’ οὐκ ἐάσαιμ’ ἂν χθόνα. νεκρῶν δὲ τῶνδε τὸν μὲν ἐσ δόμουσ χρεὼν ἤδη κομίζειν, τόνδε δ’, ὃσ πέρσων πόλιν πατρίδα σὺν ἄλλοισ ἦλθε, Πολυνείκουσ νέκυν ἐκβάλετ’ ἄθαπτον τῆσδ’ ὁρ́ων ἔξω χθονόσ. κηρύξεται δὲ πᾶσι Καδμείοισ τάδε· ὃσ ἂν νεκρὸν τόνδ’ ἢ καταστέφων ἁλῷ ἢ γῇ καλύπτων, θάνατον ἀνταλλάξεται. ἐᾶν δ’ ἄκλαυτον, ἄταφον, οἰωνοῖσ βοράν. σὺ δ’ ἐκλιποῦσα τριπτύχουσ θρήνουσ νεκρῶν κόμιζε σαυτήν, Ἀντιγόνη, δόμων ἔσω καὶ παρθενεύου τὴν ἰοῦσαν ἡμέραν μένουσ’, ἐν ᾗ σε λέκτρον Αἵμονοσ μένει. ὦ πάτερ, ἐν οἱοίσ κείμεθ’ ἄθλιοι κακοῖσ. ὥσ σε στενάζω τῶν τεθνηκότων πλέον· οὐ γὰρ τὸ μέν σοι βαρὺ κακῶν, τὸ δ’ οὐ βαρύ, ἀλλ’ εἰσ ἅπαντα δυστυχὴσ ἔφυσ, πάτερ. ἀτὰρ σ’ ἐρωτῶ τὸν νεωστὶ κοίρανον· τί τόνδ’ ὑβρίζεισ πατέρ’ ἀποστέλλων χθονόσ; τί θεσμοποιεῖσ ἐπὶ ταλαιπώρῳ νεκρῷ; Ἐτεοκλέουσ βουλεύματ’, οὐχ ἡμῶν, τάδε. ἄφρονά γε, καὶ σὺ μῶροσ ὃσ ἐπίθου τάδε. πῶσ; τἀντεταλμέν’ οὐ δίκαιον ἐκπονεῖν; οὔκ, ἢν πονηρά γ’ ᾖ κακῶσ τ’ εἰρημένα. τί δ’; οὐ δικαίωσ ὅδε κυσὶν δοθήσεται; οὐκ ἔννομον γὰρ τὴν δίκην πράσσεσθέ νιν. εἴπερ γε πόλεωσ ἐχθρὸσ ἦν οὐκ ἐχθρὸσ ὤν. οὐκοῦν ἔδωκε τῇ τύχῃ τὸν δαίμονα. καὶ τῷ τάφῳ νυν τὴν δίκην παρασχέτω. τί πλημμελήσασ, τὸ μέροσ εἰ μετῆλθε γῆσ; ἄταφοσ ὅδ’ ἁνήρ, ὡσ μάθῃσ, γενήσεται. ἐγώ σφε θάψω, κἂν ἀπεννέπῃ πόλισ. σαυτὴν ἄρ’ ἐγγὺσ τῷδε συνθάψεισ νεκρῷ. ἀλλ’ εὐκλεέσ τοι δύο φίλω κεῖσθαι πέλασ. λάζυσθε τήνδε κἀσ δόμουσ κομίζετε. οὐ δῆτ’, ἐπεὶ τοῦδ’ οὐ μεθήσομαι νεκροῦ. ἔκριν’ ὁ δαίμων, παρθέν’, οὐχ ἃ σοὶ δοκεῖ. κἀκεῖνο κέκριται, μὴ ἐφυβρίζεσθαι νεκρούσ. ὡσ οὔτισ ἀμφὶ τῷδ’ ὑγρὰν θήσει κόνιν. ναὶ πρόσ σε τῆσδε μητρὸσ Ιὀκάστησ, Κρέον. μάταια μοχθεῖσ· οὐ γὰρ ἂν τύχοισ τάδε. σὺ δ’ ἀλλὰ νεκρῷ λουτρὰ περιβαλεῖν μ’ ἐά. ἓν τοῦτ’ ἂν εἰή τῶν ἀπορρήτων πόλει. ἀλλ’ ἀμφὶ τραύματ’ ἄγρια τελαμῶνασ βαλεῖν. οὐκ ἔσθ’ ὅπωσ σὺ τόνδε τιμήσεισ νέκυν. ὦ φίλτατ’, ἀλλὰ στόμα γε σὸν προσπτύξομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode, iambic 3:

(에우리피데스, Phoenissae, episode, iambic 3:)

상위

목록

SEARCH

MENU NAVIGATION