헬라어 문장 검색 - ΕυριπίΠηοενισ́11́2́

(에우리피데스, Phoenissae, episode, lyric)

ἀνάγετ’ ἀνάγετε κωκυ‐ τόν, ἐπὶ κάρα τε λευκοπήχεισ κτύπουσ χεροῖν. ὦ τλῆμον, οἱο͂ν τέρμον’, Ιὀκάστη, βίου γάμων τε τῶν σῶν Σφιγγὸσ αἰνιγμοὺσ ἔτλησ. πῶσ καὶ πέπρακται διπτύχων παίδων φόνοσ ἀρᾶσ τ’ ἀγώνισμ’ Οἰδίπου; σήμαινέ μοι. τὰ μὲν πρὸ πύργων εὐτυχήματα χθονὸσ οἶσθ’· οὐ μακρὰν γὰρ τειχέων περιπτυχαί. ὥστ’ οὐχ ἅπαντά σ’ εἰδέναι τὰ δρώμενα. ἐπεὶ δὲ χαλκέοισ σῶμ’ ἐκοσμήσανθ’ ὅπλοισ οἱ τοῦ γέροντοσ Οἰδίπου νεανίαι, ἔστησαν ἐλθόντ’ ἐσ μέσον μεταίχμιον δισσὼ στρατηγὼ καὶ διπλὼ στρατηλάτα ὡσ εἰσ ἀγῶνα μονομάχου τ’ ἀλκὴν δορόσ. βλέψασ δ’ ἐπ’ Ἄργοσ ἧκε Πολυνείκησ ἀράσ· ὦ πότνι’ Ἥρα ‐ σὸσ γάρ εἰμ’, ἐπεὶ γάμοισ ἔζευξ’ Ἀδράστου παῖδα καὶ ναίω χθόνα ‐ δόσ μοι κτανεῖν ἀδελφόν, ἀντήρη δ’ ἐμὴν καθαιματῶσαι δεξιὰν νικηφόρον· ‐ αἴσχιστον αἰτῶν στέφανον, ὁμογενῆ κτανεῖν. πολλοῖσ δ’ ἐπῄει δάκρυα τῆσ τύχησ ὅση, κἄβλεψαν ἀλλήλοισι διαδόντεσ κόρασ. Ἐτεοκλέησ δὲ Παλλάδοσ χρυσάσπιδοσ βλέψασ πρὸσ οἶκον ηὔξατ’· ὦ Διὸσ κόρη, δὸσ ἔγχοσ ἡμῖν καλλίνικον ἐκ χερὸσ ἐσ στέρν’ ἀδελφοῦ τῆσδ’ ἀπ’ ὠλένησ βαλεῖν κτανεῖν θ’ ὃσ ἦλθε πατρίδα πορθήσων ἐμήν. ἐπεὶ δ’ ἀφείθη πυρσὸσ ὣσ Τυρσηνικῆσ σάλπιγγοσ ἠχὴ σῆμα φοινίου μάχησ, ᾖξαν δράμημα δεινὸν ἀλλήλοισ ἔπι·

κάπροι δ’ ὅπωσ θήγοντεσ ἀγρίαν γένυν ξυνῆψαν, ἀφρῷ διάβροχοι γενειάδασ· ᾖσσον δὲ λόγχαισ· ἀλλ’ ὑφίζανον κύκλοισ, ὅπωσ σίδηροσ ἐξολισθάνοι μάτην. εἰ δ’ ὄμμ’ ὑπερσχὸν ἴτυοσ ἅτεροσ μάθοι, λόγχην ἐνώμα, στόματι προφθῆναι θέλων. ἀλλ’ εὖ προσῆγον ἀσπίδων κεγχρώμασιν ὀφθαλμόν, ἀργὸν ὥστε γίγνεσθαι δόρυ. πλείων δὲ τοῖσ ὁρῶσιν ἐστάλασσ’ ἱδρὼσ ἢ τοῖσι δρῶσι, διὰ φίλων ὀρρωδίαν. Ἐτεοκλέησ δὲ ποδὶ μεταψαίρων πέτρον ἴχνουσ ὑπόδρομον, κῶλον ἐκτὸσ ἀσπίδοσ τίθησι·

Πολυνείκησ δ’ ἀπήντησεν δορί, πληγὴν σιδήρῳ παραδοθεῖσαν εἰσιδών, κνήμην τε διεπέρασεν Ἀργεῖον δόρυ· στρατὸσ δ’ ἀνηλάλαξε Δαναϊδῶν ἅπασ. κἀν τῷδε μόχθῳ γυμνὸν ὦμον εἰσιδὼν ὁ πρόσθε τρωθεὶσ στέρνα Πολυνείκουσ βίᾳ διῆκε λόγχην, κἀπέδωκεν ἡδονὰσ Κάδμου πολίταισ, ἀπὸ δ’ ἔθραυσ’ ἄκρον δόρυ. ἐσ δ’ ἄπορον ἥκων δορὸσ ἐπὶ σκέλοσ πάλιν χωρεῖ, λαβὼν δ’ ἀφῆκε μάρμαρον πέτρον μέσον δ’ ἄκοντ’ ἔθραυσεν· ἐξ ἴσου δ’ Ἄρησ ἦν, κάμακοσ ἀμφοῖν χεῖρ’ ἀπεστερημένοιν. ἔνθεν δὲ κώπασ ἁρπάσαντε φασγάνων ἐσ ταὐτὸν ἧκον, συμβαλόντε δ’ ἀσπίδασ πολὺν ταραγμὸν ἀμφιβάντ’ εἶχον μάχησ.

καί πωσ νοήσασ Ἐτεοκλῆσ τὸ Θεσσαλὸν ἐσήγαγεν σόφισμ’ ὁμιλίᾳ χθονόσ. ἐξαλλαγεὶσ γὰρ τοῦ παρεστῶτοσ πόνου, λαιὸν μὲν ἐσ τοὔπισθεν ἀμφέρει πόδα, πρόσω τὰ κοῖλα γαστρὸσ εὐλαβούμενοσ, προβὰσ δὲ κῶλον δεξιὸν δι’ ὀμφαλοῦ καθῆκεν ἔγχοσ σφονδύλοισ τ’ ἐνήρμοσεν. ὁμοῦ δὲ κάμψασ πλευρὰ καὶ νηδὺν τάλασ σὺν αἱματηραῖσ σταγόσι Πολυνείκησ πίτνει. ὃ δ’, ὡσ κρατῶν δὴ καὶ νενικηκὼσ μάχῃ, ξίφοσ δικὼν ἐσ γαῖαν ἐσκύλευέ νιν τὸν νοῦν πρὸσ αὑτὸν οὐκ ἔχων, ἐκεῖσε δέ. ὃ καί νιν ἔσφηλ’· ἔτι γὰρ ἐμπνέων βραχύ, σῴζων σίδηρον ἐν λυγρῷ πεσήματι, μόλισ μέν, ἐξέτεινε δ’ εἰσ ἧπαρ ξίφοσ. Ἐτεοκλέουσ ὁ πρόσθε Πολυνείκησ πεσών. γαῖαν δ’ ὀδὰξ ἑλόντεσ ἀλλήλων πέλασ πίπτουσιν ἄμφω κοὐ διώρισαν κράτοσ. φεῦ φεῦ, κακῶν σῶν, Οἰδίπου, σ’ ὅσον στένω· τὰσ σὰσ δ’ ἀρὰσ ἐοίκεν ἐκπλῆσαι θεόσ. ἄκουε δή νυν καὶ τὰ πρὸσ τούτοισ κακά.

ἐπεὶ τέκνω πεσόντ’ ἐλειπέτην βίον, ἐν τῷδε μήτηρ ἡ τάλαινα προσπίτνει σὺν παρθένῳ τε καὶ προθυμίᾳ ποδόσ. τετρωμένουσ δ’ ἰδοῦσα καιρίουσ σφαγὰσ ᾤμωξεν· ὦ τέκν’, ὑστέρα βοηδρόμοσ πάρειμι. προσπίτνουσα δ’ ἐν μέρει τέκνα ἔκλαι’, ἐθρήνει, τὸν πολὺν μαστῶν πόνον στένουσ’, ἀδελφή θ’ ἡ παρασπίζουσ’ ὁμοῦ· ὦ γηροβοσκὼ μητρόσ, ὦ γάμουσ ἐμοὺσ προδόντ’ ἀδελφὼ φιλτάτω. στέρνων δ’ ἄπο φύσημ’ ἀνεὶσ δύσθνητον Ἐτεοκλῆσ ἄναξ ἤκουσε μητρόσ, κἀπιθεὶσ ὑγρὰν χέρα φωνὴν μὲν οὐκ ἀφῆκεν, ὀμμάτων δ’ ἄπο προσεῖπε δακρύοισ, ὥστε σημῆναι φίλα. ὃ δ’ ἦν ἔτ’ ἔμπνουσ, πρὸσ κασιγνήτην δ’ ἰδὼν γραῖάν τε μητέρ’ εἶπε Πολυνείκησ τάδε· Ἀπωλόμεσθα, μῆτερ· οἰκτίρω δὲ σὲ καὶ τήνδ’ ἀδελφὴν καὶ κασίγνητον νεκρόν. φίλοσ γὰρ ἐχθρὸσ ἐγένετ’, ἀλλ’ ὅμωσ φίλοσ. θάψον δέ μ’, ὦ τεκοῦσα, καὶ σύ, σύγγονε, ἐν γῇ πατρῴᾳ, καὶ πόλιν θυμουμένην παρηγορεῖτον, ὡσ τοσόνδε γοῦν τύχω χθονὸσ πατρῴασ, κεἰ δόμουσ ἀπώλεσα. ξυνάρμοσον δὲ βλέφαρά μου τῇ σῇ χερί, μῆτερ ‐ τίθησι δ’ αὐτὸσ ὀμμάτων ἔπι ‐ καὶ χαίρετ’· ἤδη γάρ με περιβάλλει σκότοσ. ἄμφω δ’ ἅμ’ ἐξέπνευσαν ἄθλιον βίον.

μήτηρ δ’, ὅπωσ ἐσεῖδε τήνδε συμφοράν, ὑπερπαθήσασ’, ἡρ́πασ’ ἐκ νεκρῶν ξίφοσ κἄπραξε δεινά· διὰ μέσου γὰρ αὐχένοσ ὠθεῖ σίδηρον, ἐν δὲ τοῖσι φιλτάτοισ θανοῦσα κεῖται περιβαλοῦσ’ ἀμφοῖν χέρασ. ἀνῇξε δ’ ὀρθὸσ λαὸσ εἰσ ἔριν λόγων, ἡμεῖσ μὲν ὡσ νικῶντα δεσπότην ἐμόν, οἳ δ’ ὡσ ἐκεῖνον.

πόλει δ’ ἀγῶνεσ οἳ μὲν εὐτυχέστατοι τῇδ’ ἐξέβησαν, οἳ δὲ δυστυχέστατοι. ἦν δ’ ἔρισ στρατηλάταισ, οἳ μὲν πατάξαι πρόσθε Πολυνείκη δορί, οἳ δ’ ὡσ θανόντων οὐδαμοῦ νίκη πέλοι. κἀν τῷδ’ ὑπεξῆλθ’ Ἀντιγόνη στρατοῦ δίχα. οἳ δ’ εἰσ ὅπλ’ ᾖσσον· εὖ δέ πωσ προμηθίᾳ καθῆστο Κάδμου λαὸσ ἀσπίδων ἔπι· κἄφθημεν οὔπω τεύχεσιν πεφραγμένον Ἀργεῖον ἐσπεσόντεσ ἐξαίφνησ στρατόν. κοὐδεὶσ ὑπέστη, πεδία δ’ ἐξεπίμπλασαν φεύγοντεσ, ἔρρει δ’ αἷμα μυρίων νεκρῶν λόγχαισ πιτνόντων. ὡσ δ’ ἐνικῶμεν μάχῃ, οἳ μὲν Διὸσ τροπαῖον ἵστασαν βρέτασ, οἳ δ’ ἀσπίδασ συλῶντεσ Ἀργείων νεκρῶν σκυλεύματ’ εἴσω τειχέων ἐπέμπομεν. ἄλλοι δὲ τοὺσ θανόντασ Ἀντιγόνησ μέτα νεκροὺσ φέρουσιν ἐνθάδ’ οἰκτίσαι φίλοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode, lyric

(에우리피데스, Phoenissae, episode, lyric)

상위

목록

SEARCH

MENU NAVIGATION