Euripides, Phoenissae, episode, trochees 1:

αἰαῖ· μεγάλα μοι θροεῖσ πάθεα καὶ πόλει. ὦ δώματ’ εἰσηκούσατ’ Οἰδίπου τάδε παίδων ὁμοίαισ συμφοραῖσ ὀλωλότων; ὥστ’ ἂν δακρῦσαί γ’, εἰ φρονοῦντ’ ἐτύγχανεν. οἴμοι ξυμφορᾶσ βαρυποτμωτάτασ, οἴμοι κακῶν δύστηνοσ· ὦ τάλασ ἐγώ. εἰ καὶ τὰ πρὸσ τούτοισί γ’ εἰδείησ κακά. καὶ πῶσ γένοιτ’ ἂν τῶνδε δυσποτμώτερα; τέθνηκ’ ἀδελφὴ σὴ δυοῖν παίδοιν μέτα.