헬라어 문장 검색 - ΕυριπίΠηοενισ́11́0́01́

(에우리피데스, Phoenissae, episode 1:)

οἴμοι, τί δράσω; πότερ’ ἐμαυτὸν ἢ πόλιν στένω δακρύσασ, ἣν πέριξ ἔχει νέφοσ τοιοῦτον ὥστε δι’ Ἀχέροντοσ ἱέναι; ἐμόσ τε γὰρ παῖσ γῆσ ὄλωλ’ ὑπερθανών, τοὔνομα λαβὼν γενναῖον, ἀνιαρὸν δ’ ἐμοί· ὃν ἄρτι κρημνῶν ἐκ δρακοντείων ἑλὼν αὐτοσφαγῆ δύστηνοσ ἐκόμισ’ ἐν χεροῖν, βοᾷ δὲ δῶμα πᾶν· ἐγὼ δ’ ἥκω μέτα γέρων ἀδελφὴν γραῖαν Ιὀκάστην, ὅπωσ λούσῃ προθῆταί τ’ οὐκέτ’ ὄντα παῖδ’ ἐμόν. τοῖσ γὰρ θανοῦσι χρὴ τὸν οὐ τεθνηκότα τιμὰσ διδόντα χθόνιον εὐσεβεῖν θεόν. βέβηκ’ ἀδελφὴ σή, Κρέων, ἔξω δόμων κόρη τε μητρὸσ Ἀντιγόνη κοινῷ ποδί. ποῖ; κἀπὶ ποίαν συμφοράν; σήμαινέ μοι. ἤκουσε τέκνα μονομάχῳ μέλλειν δορὶ ἐσ ἀσπίδ’ ἥξειν βασιλικῶν δόμων ὕπερ. πῶσ φῄσ; νέκυν τοι παιδὸσ ἀγαπάζων ἐμοῦ οὐκ ἐσ τόδ’ ἦλθον ὥστε καὶ τάδ’ εἰδέναι. ἀλλ’ οἴχεται μὲν σὴ κασιγνήτη πάλαι· δοκῶ δ’ ἀγῶνα τὸν περὶ ψυχῆσ, Κρέον, ἤδη πεπρᾶχθαι παισὶ τοῖσιν Οἰδίπου. οἴμοι, τὸ μὲν σημεῖον εἰσορῶ τόδε, σκυθρωπὸν ὄμμα καὶ πρόσωπον ἀγγέλου στείχοντοσ, ὃσ πᾶν ἀγγελεῖ τὸ δρώμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, Phoenissae, episode 1:

(에우리피데스, Phoenissae, episode 1:)

상위

목록

SEARCH

MENU NAVIGATION