Euripides, Phoenissae, choral, antistrophe 1

ὦ ζαθέων πετάλων πολυθηρότα‐ τον νάποσ, Ἀρτέμιδοσ χιονοτρόφον ὄμμα Κιθαιρών, μήποτε τὸν θανάτῳ προτεθέντα, λόχευμ’ Ιὀκάστασ, ὤφελεσ Οἰδιπόδαν θρέψαι, βρέφοσ ἔκβολον οἴκων, χρυσοδέτοισ περόναισ ἐπίσαμον· μηδὲ τὸ παρθένιον πτερόν, οὔρειον τέρασ, ἐλθεῖν πένθεα γαίασ Σφιγγὸσ ἀμουσοτάταισι σὺν ᾠδαῖσ, ἅ ποτε Καδμογενῆ τετραβάμοσι χαλαῖσ τείχεσι χριμπτομένα φέρεν αἰθέροσ εἰσ ἄβατον φῶσ γένναν, ἃν ὁ κατὰ χθονὸσ Αἵδασ Καδμείοισ ἐπιπέμπει· δυσδαίμων δ’ ἔρισ ἄλλα θάλλει παίδων Οἰδιπόδα κατὰ δώματα καὶ πόλιν. οὐ γὰρ ὃ μὴ καλὸν οὔποτ’ ἔφυ καλόν, οὐδ’ οἱ μὴ νόμιμοι παῖδεσ ματρὶ λόχευμα, μίασμα πατρόσ· ἣ δὲ συναίμονοσ ἐσ λέχοσ ἦλθεν.