헬라어 문장 검색 - ΕυριπίΠηοενισ́05́

(에우리피데스, Phoenissae, episode)

χώρει σὺ καὶ κόμιζε τὸν Μενοικέωσ Κρέοντ’, ἀδελφὸν μητρὸσ Ιὀκάστησ ἐμῆσ, λέγων τάδ’, ὡσ οἰκεῖα καὶ κοινὰ χθονὸσ θέλω πρὸσ αὐτὸν συμβαλεῖν βουλεύματα, πρὶν ἐσ μάχην τε καὶ δορὸσ τάξιν μολεῖν. καίτοι ποδῶν σῶν μόχθον ἐκλύει παρών· ὁρῶ γὰρ αὐτὸν πρὸσ δόμουσ στείχοντ’ ἐμούσ. ἦ πόλλ’ ἐπῆλθον εἰσιδεῖν χρῄζων σ’, ἄναξ Ἐτεόκλεεσ, πέριξ δὲ Καδμείων πύλασ φυλακάσ τ’ ἐπῆλθον σὸν δέμασ θηρώμενοσ. καὶ μὴν ἐγὼ σ’ ἔχρῃζον εἰσιδεῖν, Κρέον· πολλῷ γὰρ ηὑρ͂ον ἐνδεεῖσ διαλλαγάσ ὡσ ἐσ λόγουσ συνῆψα Πολυνείκει μολών. ἤκουσα μεῖζον αὐτὸν ἢ Θήβασ φρονεῖν, κήδει τ’ Ἀδράστου καὶ στρατῷ πεποιθότα. ἀλλ’ ἐσ θεοὺσ χρὴ ταῦτ’ ἀναρτήσαντ’ ἔχειν· ἃ δ’ ἐμποδὼν μάλιστα, ταῦθ’ ἥκω φράσων. τὰ ποῖα ταῦτα; τὸν λόγον γὰρ ἀγνοῶ. ἥκει τισ αἰχμάλωτοσ Ἀργείων πάρα. λέγει δὲ δὴ τί τῶν ἐκεῖ νεώτερον; μέλλειν πέριξ πύργοισι Καδμείων πόλιν ὅπλοισ ἑλίξειν αὐτίκ’ Ἀργείων στρατόν. ἐξοιστέον τἄρ’ ὅπλα Καδμείων πόλει. ποῖ; μῶν νεάζων οὐχ ὁρᾷσ ἃ χρή σ’ ὁρᾶν; ἐκτὸσ τάφρων τῶνδ’, ὡσ μαχουμένουσ τάχα. σμικρὸν τὸ πλῆθοσ τῆσδε γῆσ, οἳ δ’ ἄφθονοι. ἐγᾦδα κείνουσ τοῖσ λόγοισ ὄντασ θρασεῖσ. ἔχει τιν’ ὄγκον τἄργοσ Ἑλλήνων πάρα. θάρσει· τάχ’ αὐτῶν πεδίον ἐμπλήσω φόνου. θέλοιμ’ ἄν· ἀλλὰ τοῦθ’ ὁρῶ πολλοῦ πόνου. ὡσ οὐ καθέξω τειχέων ἔσω στρατόν. καὶ μὴν τὸ νικᾶν ἐστι πᾶν εὐβουλία. βούλῃ τράπωμαι δῆθ’ ὁδοὺσ ἄλλασ τινάσ; πάσασ γε, πρὶν κίνδυνον εἰσ ἅπαξ μολεῖν. εἰ νυκτὸσ αὐτοῖσ προσβάλοιμεν ἐκ λόχου; εἴπερ σφαλείσ γε δεῦρο σωθήσῃ πάλιν. ἴσον φέρει νύξ, τοῖσ δὲ τολμῶσιν πλέον. ἐνδυστυχῆσαι δεινὸν εὐφρόνησ κνέφασ. ἀλλ’ ἀμφὶ δεῖπνον οὖσι προσβάλω δόρυ; ἔκπληξισ ἂν γένοιτο· νικῆσαι δὲ δεῖ. βαθύσ γέ τοι Διρκαῖοσ ἀναχωρεῖν πόροσ. ἅπαν κάκιον τοῦ φυλάσσεσθαι καλῶσ. τί δ’, εἰ καθιππεύσαιμεν Ἀργείων στρατόν; κἀκεῖ πέφρακται λαὸσ ἁρ́μασιν πέριξ. τί δῆτα δράσω; πολεμίοισι δῶ πόλιν; μὴ δῆτα· βουλεύου δ’, ἐπείπερ εἶ σοφόσ. τίσ οὖν πρόνοια γίγνεται σοφωτέρα; ἕπτ’ ἄνδρασ αὐτοῖσ φασιν, ὡσ ἤκουσ’ ἐγώ ‐ τί προστετάχθαι δρᾶν;

τὸ γὰρ σθένοσ βραχύ. λόχων ἀνάσσειν ἑπτὰ προσκεῖσθαι πύλαισ. τί δῆτα δρῶμεν; ἀπορίαν γὰρ οὐ μενῶ. ἕπτ’ ἄνδρασ αὐτοῖσ καὶ σὺ πρὸσ πύλαισ ἑλοῦ. λόχων ἀνάσσειν ἢ μονοστόλου δορόσ; λόχων, προκρίνασ οἵπερ ἀλκιμώτατοι. ξυνῆκ’· ἀμύνειν τειχέων προσαμβάσεισ. καὶ ξυστρατήγουσ <γ’>· εἷσ δ’ ἀνὴρ οὐ πάνθ’ ὁρᾷ. θάρσει προκρίνασ ἢ φρενῶν εὐβουλίᾳ; ἀμφότερον· ἀπολειφθὲν γὰρ οὐδὲν θάτερον. ἔσται τάδ’· ἐλθὼν ἑπτάπυργον ἐσ πόλιν τάξω λοχαγοὺσ πρὸσ πύλαισιν, ὡσ λέγεισ, ἴσουσ ἴσοισι πολεμίοισιν ἀντιθείσ. ὄνομα δ’ ἑκάστου διατριβὴ πολλὴ λέγειν, ἐχθρῶν ὑπ’ αὐτοῖσ τείχεσιν καθημένων. ἀλλ’ εἶμ’, ὅπωσ ἂν μὴ καταργῶμεν χέρα. καί μοι γένοιτ’ ἀδελφὸν ἀντήρη λαβεῖν καὶ ξυσταθέντα διὰ μάχησ ἑλεῖν δορί. κτανεῖν θ’, ὃσ ἦλθε πατρίδα πορθήσων ἐμήν. γάμουσ δ’ ἀδελφῆσ Ἀντιγόνησ παιδόσ τε σοῦ Αἵμονοσ, ἐάν τι τῆσ τύχησ ἐγὼ σφαλῶ, σοὶ χρὴ μέλεσθαι· τὴν δόσιν δ’ ἐχέγγυον τὴν πρόσθε ποιῶ νῦν ἐπ’ ἐξόδοισ ἐμαῖσ. μητρὸσ δ’ ἀδελφὸσ εἶ· τί δεῖ μακρηγορεῖν; τρέφ’ ἀξίωσ νιν σοῦ τε τήν τ’ ἐμὴν χάριν. πατὴρ δ’ ἐσ αὑτὸν ἀμαθίαν ὀφλισκάνει, ὄψιν τυφλώσασ· οὐκ ἄγαν σφ’ ἐπῄνεσα· ἡμᾶσ δ’ ἀραῖσιν, ἢν τύχῃ, κατακτενεῖ. ἓν δ’ ἐστὶν ἡμῖν ἀργόν, εἴ τι θέσφατον οἰωνόμαντισ Τειρεσίασ ἔχει φράσαι, τοῦδ’ ἐκπυθέσθαι ταῦτ’·

ἐγὼ δὲ παῖδα σὸν Μενοικέα, σοῦ πατρὸσ αὐτεπώνυμον, λαβόντα πέμψω δεῦρο Τειρεσίαν, Κρέον· σοὶ μὲν γὰρ ἡδὺσ ἐσ λόγουσ ἀφίξεται, ἐγὼ δὲ τέχνην μαντικὴν ἐμεμψάμην ἤδη πρὸσ αὐτόν, ὥστε μοι μομφὰσ ἔχειν. πόλει δὲ καὶ σοὶ ταῦτ’ ἐπισκήπτω, Κρέον· ἤνπερ κρατήσῃ τἀμά, Πολυνείκουσ νέκυν μήποτε ταφῆναι τῇδε Θηβαίᾳ χθονί, θνῄσκειν δὲ τὸν θάψαντα, κἂν φίλων τισ ᾖ. σοὶ μὲν τάδ’ εἶπον· προσπόλοισ δ’ ἐμοῖσ λέγω· ἐκφέρετε τεύχη πάνοπλά τ’ ἀμφιβλήματα, ὡσ εἰσ ἀγῶνα τὸν προκείμενον δορὸσ ὁρμώμεθ’ ἤδη ξὺν δίκῃ νικηφόρῳ. τῇ δ’ Εὐλαβείᾳ, χρησιμωτάτῃ θεῶν, προσευχόμεσθα τήνδε διασῷσαι πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode

(에우리피데스, Phoenissae, episode)

상위

목록

SEARCH

MENU NAVIGATION