Euripides, Phoenissae, episode, trochees

(에우리피데스, Phoenissae, episode, trochees)

μῆτερ, οὐ λόγων ἔθ’ ἁγών, ἀλλ’ ἀναλοῦται χρόνοσ οὑν μέσῳ μάτην, περαίνει δ’ οὐδὲν ἡ προθυμία· οὐ γὰρ ἂν ξυμβαῖμεν ἄλλωσ ἢ ’πὶ τοῖσ εἰρημένοισ, ὥστ’ ἐμὲ σκήπτρων κρατοῦντα τῆσδ’ ἄνακτ’ εἶναι χθονόσ· τῶν μακρῶν δ’ ἀπαλλαγεῖσα νουθετημάτων μ’ ἐά. καὶ σὺ τῶνδ’ ἔξω κομίζου τειχέων, ἢ κατθανῇ. πρὸσ τίνοσ; τίσ ὧδ’ ἄτρωτοσ, ὅστισ εἰσ ἡμᾶσ ξίφοσ φόνιον ἐμβαλὼν τὸν αὐτὸν οὐκ ἀποίσεται μόρον; ἐγγύσ, οὐ πρόσω βέβηκεν· ἐσ χέρασ λεύσσεισ ἐμάσ; εἰσορῶ· δειλὸν δ’ ὁ πλοῦτοσ καὶ φιλόψυχον κακόν. κᾆτα σὺν πολλοῖσιν ἦλθεσ πρὸσ τὸν οὐδὲν ἐσ μάχην; ἀσφαλὴσ γάρ ἐστ’ ἀμείνων ἢ θρασὺσ στρατηλάτησ. κομπὸσ εἶ σπονδαῖσ πεποιθώσ, αἵ σε σῴζουσιν θανεῖν. καὶ σέ· δεύτερον δ’ ἀπαιτῶ σκῆπτρα καὶ μέρη χθονόσ. οὐκ ἀπαιτούμεσθ’· ἐγὼ γὰρ τὸν ἐμὸν οἰκήσω δόμον. τοῦ μέρουσ ἔχων τὸ πλεῖον; φήμ’· ἀπαλλάσσου δὲ γῆσ. ὦ θεῶν βωμοὶ πατρῴων ‐ οὓσ σὺ πορθήσων πάρει. κλύετέ μου ‐ τίσ δ’ ἂν κλύοι σου πατρίδ’ ἐπεστρατευμένου; καὶ θεῶν τῶν λευκοπώλων δώματα ‐ οἳ στυγοῦσί σε. ἐξελαυνόμεσθα πατρίδοσ ‐ καὶ γὰρ ἦλθεσ ἐξελῶν. ἀδικίᾳ γ’, ὦ θεοί. Μυκήναισ, μὴ ’νθάδ’ ἀνακάλει θεούσ. ἀνόσιοσ πέφυκασ ‐ ἀλλ’ οὐ πατρίδοσ, ὡσ σύ, πολέμιοσ. ὅσ μ’ ἄμοιρον ἐξελαύνεισ. καὶ κατακτενῶ γε πρόσ. ὦ πάτερ, κλύεισ ἃ πάσχω; καὶ γὰρ οἱᾶ δρᾷσ κλύει. καὶ σύ, μῆτερ; ἀθέμιτόν σοι μητρὸσ ὀνομάζειν κάρα. ὦ πόλισ. μολὼν ἐσ Ἄργοσ ἀνακάλει Λέρνησ ὕδωρ.

상위

Phoenissae

목록

일치하는 문장이 없습니다.

SEARCH

MENU NAVIGATION