Euripides, Phoenissae, episode, lyric 6:

(에우리피데스, Phoenissae, episode, lyric 6:)

δισσοῖσ Ἄδραστοσ ὤμοσεν γαμβροῖσ τόδε, Τυδεῖ τε κἀμοί· σύγγαμοσ γάρ ἐστ’ ἐμόσ· ἄμφω κατάξειν ἐσ πάτραν, πρόσθεν δ’ ἐμέ. πολλοὶ δὲ Δαναῶν καὶ Μυκηναίων ἄκροι πάρεισι, λυπρὰν χάριν, ἀναγκαίαν δ’, ἐμοὶ διδόντεσ· ἐπὶ γὰρ τὴν ἐμὴν στρατεύομαι πόλιν. θεοὺσ δ’ ἐπώμοσ’ ὡσ ἀκουσίωσ τοῖσ φιλτάτοισ ἑκοῦσιν ἠράμην δόρυ. ἀλλ’ ἐσ σὲ τείνει τῶνδε διάλυσισ κακῶν, μῆτερ, διαλλάξασαν ὁμογενεῖσ φίλουσ παῦσαι πόνων με καὶ σὲ καὶ πᾶσαν πόλιν. πάλαι μὲν οὖν ὑμνηθέν, ἀλλ’ ὅμωσ ἐρῶ· τὰ χρήματ’ ἀνθρώποισι τιμιώτατα, δύναμίν τε πλείστην τῶν ἐν ἀνθρώποισ ἔχει. ἁγὼ μεθήκω δεῦρο μυρίαν ἄγων λόγχην· πένησ γὰρ οὐδὲν εὐγενὴσ ἀνήρ. καὶ μὴν Ἐτεοκλῆσ ἐσ διαλλαγὰσ ὅδε χωρεῖ· σὸν ἔργον, μῆτερ Ιὀκάστη, λέγειν τοιούσδε μύθουσ οἷσ διαλλάξεισ τέκνα. μῆτερ, πάρειμι· τὴν χάριν δὲ σοὶ διδοὺσ ἦλθον. τί χρὴ δρᾶν; ἀρχέτω δέ τισ λόγου· ὡσ ἀμφὶ τείχη καὶ ξυνωρίδασ λόχων τάσσων ἐπέσχον πόλιν, ὅπωσ κλύοιμί σου κοινὰσ βραβείασ, αἷσ ὑπόσπονδον μολεῖν τόνδ’ εἰσεδέξω τειχέων πείσασά με. ἐπίσχεσ· οὔτοι τὸ ταχὺ τὴν δίκην ἔχει, βραδεῖσ δὲ μῦθοι πλεῖστον ἀνύουσιν σοφόν. σχάσον δὲ δεινὸν ὄμμα καὶ θυμοῦ πνοάσ· οὐ γὰρ τὸ λαιμότμητον εἰσορᾷσ κάρα Γοργόνοσ, ἀδελφὸν δ’ εἰσορᾷσ ἥκοντα σόν. σύ τ’ αὖ πρόσωπον πρὸσ κασίγνητον στρέφε, Πολύνεικεσ· ἐσ γὰρ ταὐτὸν ὄμμασιν βλέπων λέξεισ τ’ ἄμεινον τοῦδέ τ’ ἐνδέξῃ λόγουσ. παραινέσαι δὲ σφῷν τι βούλομαι σοφόν· ὅταν φίλοσ τισ ἀνδρὶ θυμωθεὶσ φίλῳ ἐσ ἓν συνελθὼν ὄμματ’ ὄμμασιν διδῷ, ἐφ’ οἷσιν ἥκει, ταῦτα χρὴ μόνον σκοπεῖν, κακῶν δὲ τῶν πρὶν μηδενὸσ μνείαν ἔχειν. λόγοσ μὲν οὖν σὸσ πρόσθε, Πολύνεικεσ τέκνον· σὺ γὰρ στράτευμα Δαναϊδῶν ἥκεισ ἄγων, ἄδικα πεπονθώσ, ὡσ σὺ φῄσ· κριτὴσ δέ τισ θεῶν γένοιτο καὶ διαλλακτὴσ κακῶν.

상위

Phoenissae

목록

일치하는 문장이 없습니다.

SEARCH

MENU NAVIGATION