Euripides, Phoenissae, episode, lyric

(에우리피데스, Phoenissae, episode, lyric)

Φοίνισσαν βοὰν κλύουσ’, ὦ νεάνιδεσ, γηραιὸν πόδ’ ἕλκω, τρομερὰν βάσιν· ἰὼ τέκνον, χρόνῳ σὸν ὄμμα μυρίαισ τ’ ἐν ἁμέραισ προσεῖδον· ἀμφίβαλλε μα‐ στὸν ὠλέναισι ματέροσ, παρηίδων τ’ ὄρεγμα βο‐ στρύχων τε κυανόχρωτα χαί‐ τασ πλόκαμον, δέραν σκιάζων ἁμάν. ἰὼ ἰώ, μόλισ φανεὶσ ἀέλπτα κἀδόκητα ματρὸσ ὠλέναισ. τί φῶ σε; πῶσ ἅπαντα καὶ χερσὶ καὶ λόγοισι πολυέλικτον ἁδονὰν ἐκεῖσε καὶ τὸ δεῦρο περιχορεύουσα τέρψιν παλαιᾶν λάβω χαρμονᾶν; ἰὼ τέκοσ, ἔρημον πατρῷον ἔλιπεσ δόμον φυγὰσ ἀποσταλεὶσ ὁμαίμου λώβᾳ, ἦ ποθεινὸσ φίλοισ, ἦ ποθεινὸσ Θήβαισ. ὅθεν ἐμάν τε λευκόχροα κείρομαι δακρυόεσσ’ ἀνεῖσα πένθει κόμαν, ἄπεπλοσ φαρέων λευκῶν, <ὦ> τέκνον, δυσόρφναια δ’ ἀμφὶ τρύχη τάδε σκότι’ ἀμείβομαι.

상위

Phoenissae

목록

일치하는 문장이 없습니다.

SEARCH

MENU NAVIGATION