Euripides, Phoenissae, episode

(에우리피데스, Phoenissae, episode)

τὰ μὲν πυλωρῶν κλῇθρά μ’ εἰσεδέξατο δι’ εὐπετείασ τειχέων ἔσω μολεῖν. ὃ καὶ δέδοικα μή με δικτύων ἔσω λαβόντεσ οὐκ ἐκφρῶσ’ ἀναίμακτον χρόα. ὧν οὕνεκ’ ὄμμα πανταχῇ διοιστέον κἀκεῖσε καὶ τὸ δεῦρο, μὴ δόλοσ τισ ᾖ. ὡπλισμένοσ δὲ χεῖρα τῷδε φασγάνῳ τὰ πίστ’ ἐμαυτῷ τοῦ θράσουσ παρέξομαι. ὠή, τίσ οὗτοσ; ἢ κτύπον φοβούμεθα; ἅπαντα γὰρ τολμῶσι δεινὰ φαίνεται, ὅταν δι’ ἐχθρᾶσ ποὺσ ἀμείβηται χθονόσ. πέποιθα μέντοι μητρί, κοὐ πέποιθ’ ἅμα, ἥτισ μ’ ἔπεισε δεῦρ’ ὑπόσπονδον μολεῖν. ἀλλ’ ἐγγὺσ ἀλκή· βώμιοι γὰρ ἐσχάραι πέλασ πάρεισι, κοὐκ ἔρημα δώματα. φέρ’ ἐσ σκοτεινὰσ περιβολὰσ μεθῶ ξίφοσ καὶ τάσδ’ ἔρωμαι, τίνεσ ἐφεστᾶσιν δόμοισ. ξέναι γυναῖκεσ, εἴπατ’, ἐκ ποίασ πάτρασ Ἑλληνικοῖσι δώμασιν πελάζετε; Φοίνισσα μὲν γῆ πατρὶσ ἡ θρέψασά με, Ἀγήνοροσ δὲ παῖδεσ ἐκ παίδων δορὸσ Φοίβῳ μ’ ἔπεμψαν ἐνθάδ’ ἀκροθίνιον. μέλλων δὲ πέμπειν μ’ Οἰδίπου κλεινὸσ γόνοσ μαντεῖα σεμνὰ Λοξίου τ’ ἐπ’ ἐσχάρασ ‐ ἐν τῷδ’ ἐπεστράτευσαν Ἀργεῖοι πόλιν. σὺ δ’ ἀντάμειψαί μ’, ὅστισ ὢν ἐλήλυθασ ἑπτάστομον πύργωμα Θηβαίασ χθονόσ. πατὴρ μὲν ἡμῖν Οἰδίπουσ ὁ Λαί̈ου, ἔτικτε δ’ Ιὀκάστη με, παῖσ Μενοικέωσ· καλεῖ δὲ Πολυνείκη με Θηβαῖοσ λεώσ. ὦ συγγένεια τῶν Ἀγήνοροσ τέκνων, ἐμῶν τυράννων, ὧν ἀπεστάλην ὕπο ‐ γονυπετεῖσ ἕδρασ προσπίτνω σ’, ἄναξ, τὸν οἴκοθεν νόμον σέβουσ’ ‐ ἔβασ ὢ χρόνῳ γᾶν πατρῴαν.

상위

Phoenissae

목록

일치하는 문장이 없습니다.

SEARCH

MENU NAVIGATION