헬라어 문장 검색 - ΕυριπίΠηοενισ́01́1́01́

(에우리피데스, Phoenissae, episode, lyric 1:)

τίσ δ’ οὗτοσ ἀμφὶ μνῆμα τὸ Ζήθου περᾷ καταβόστρυχοσ, ὄμμασι γοργὸσ εἰσιδεῖν νεανίασ, λοχαγόσ, ὡσ ὄχλοσ νιν ὑστέρῳ ποδὶ πάνοπλοσ ἀμφέπει; ὅδ’ ἐστὶ Παρθενοπαῖοσ, Ἀταλάντησ γόνοσ. ἀλλά νιν ἁ κατ’ ὄρη μετὰ ματέροσ Ἄρτεμισ ἱεμένα τόξοισ δαμάσασ’ ὀλέσειεν, ὃσ ἐπ’ ἐμὰν πόλιν ἔβα πέρσων. εἰή τάδ’, ὦ παῖ. σὺν δίκῃ δ’ ἥκουσι γῆν· ὃ καὶ δέδοικα μὴ σκοπῶσ’ ὀρθῶσ θεοί. ποῦ δ’ ὃσ ἐμοὶ μιᾶσ ἐγένετ’ ἐκ ματρὸσ πολυπόνῳ μοίρᾳ; ὦ φίλτατ’, εἰπέ, ποῦ ’στι Πολυνείκησ, γέρον. ἐκεῖνοσ ἑπτὰ παρθένων τάφου πέλασ Νιόβησ Ἀδράστῳ πλησίον παραστατεῖ. ὁρᾷσ; ὁρῶ δῆτ’ οὐ σαφῶσ, ὁρῶ δέ πωσ μορφῆσ τύπωμα στέρνα τ’ ἐξῃκασμένα. ἀνεμώκεοσ εἴθε δρόμον νεφέλασ ποσὶν ἐξανύσαιμι δι’ αἰθέροσ πρὸσ ἐμὸν ὁμογενέτορα, περὶ δ’ ὠλένασ δέρᾳ φιλτάτᾳ βάλοιμ’ <ἐν> χρόνῳ φυγάδα μέλεον. ὡσ ὅπλοισι χρυσέοισιν ἐκπρεπήσ, γέρον, ἑῴοισ ὅμοια φλεγέθων βολαῖσ ἀελίου. ἥξει δόμουσ τούσδ’, ὥστε σ’ ἐμπλῆσαι χαρᾶσ, ἔνσπονδοσ. οὗτοσ δ’, ὦ γεραιέ, τίσ κυρεῖ, ὃσ ἁρ́μα λευκὸν ἡνιοστροφεῖ βεβώσ; ὁ μάντισ Ἀμφιάραοσ, ὦ δέσποιν’, ὅδε· σφάγια δ’ ἅμ’ αὐτῷ, γῆσ φιλαίματοι ῥοαί. ὦ λιπαροζώνου θύγατερ Αἐλίου Σελαναία, χρυσεόκυκλον φέγγοσ, ὡσ ἀτρεμαῖα κέντρα καὶ σώφρονα πώλοισ μεταφέρων ἰθύνει. ποῦ δ’ ὃσ τὰ δεινὰ τῇδ’ ἐφυβρίζει πόλει; Καπανεύσ; ἐκεῖνοσ προσβάσεισ τεκμαίρεται πύργων ἄνω τε καὶ κάτω τείχη μετρῶν. ἰώ, Νέμεσι καὶ Διὸσ βαρύβρομοι βρονταί, κεραυνῶν τε φῶσ αἰθαλόεν, σύ τοι μεγαλαγορίαν ὑπεράνορα κοιμίζεισ· ὅδ’ ἐστίν, αἰχμαλώτιδασ ὃσ δορὶ Θηβαίασ Μυκηνηί̈σιν Λερναίᾳ τε δώσειν τριαίνᾳ, Ποσειδανίοισ Ἀμυμωνίοισ ὕδασι δουλείαν περιβαλών ‐ μήποτε μήποτε τάνδ’, ὦ πότνια, χρυσεοβόστρυχον ὦ Διὸσ ἔρνοσ Ἄρτεμι, δουλοσύναν τλαίην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode, lyric 1:

(에우리피데스, Phoenissae, episode, lyric 1:)

상위

목록

SEARCH

MENU NAVIGATION