Euripides, Phoenissae, episode, lyric

(에우리피데스, Phoenissae, episode, lyric)

ὄρεγέ νυν ὄρεγε γεραιὰν νέᾳ χεῖρ’ ἀπὸ κλιμάκων ποδὸσ ἴχνοσ ἐπαντέλλων. ἰδοὺ ξύναψον, παρθέν’· ἐσ καιρὸν δ’ ἔβησ· κινούμενον γὰρ τυγχάνει Πελασγικὸν στράτευμα, χωρίζουσι δ’ ἀλλήλων λόχουσ. ἰὼ πότνια παῖ Λατοῦσ Ἑκάτα, κατάχαλκον ἅπαν πεδίον ἀστράπτει. οὐ γάρ τι φαύλωσ ἦλθε Πολυνείκησ χθόνα, πολλοῖσ μὲν ἵπποισ, μυρίοισ δ’ ὅπλοισ βρέμων. ἆρα πύλαι κλῄθροισ ‐ χαλκόδετ’ ἆρ’ ἔμβολα λαϊνέοισιν Ἀμφίονοσ ὀργάνοισ τείχεοσ ἡρ́μοσται; θάρσει· τά γ’ ἔνδον ἀσφαλῶσ ἔχει πόλισ. ἀλλ’ εἰσόρα τὸν πρῶτον, εἰ βούλῃ μαθεῖν. τίσ οὗτοσ ὁ λευκολόφασ, πρόπαρ ὃσ ἁγεῖται στρατοῦ πάγχαλκον ἀσπίδ’ ἀμφὶ βραχίονι κουφίζων; λοχαγόσ, ὦ δέσποινα. τίσ, πόθεν γεγώσ; αὔδασον, ὦ γεραιέ, τίσ ὀνομάζεται; οὗτοσ Μυκηναῖοσ μὲν αὐδᾶται γένοσ, Λερναῖα δ’ οἰκεῖ νάμαθ’, Ἱππομέδων ἄναξ. ἒ ἒ ὡσ γαῦροσ, ὡσ φοβερὸσ εἰσιδεῖν, γίγαντι γηγενέτᾳ προσόμοιοσ ἀστερωπὸσ ἐν γραφαῖσιν, οὐχὶ πρόσφοροσ ἁμερίῳ γέννᾳ. τὸν δ’ ἐξαμείβοντ’ οὐχ ὁρᾷσ Δίρκησ ὕδωρ; ἄλλοσ ἄλλοσ ὅδε τευχέων τρόποσ. τίσ δ’ ἐστὶν οὗτοσ; παῖσ μὲν Οἰνέωσ ἔφυ Τυδεύσ, Ἄρη δ’ Αἰτωλὸν ἐν στέρνοισ ἔχει. οὗτοσ ὁ τᾶσ Πολυνείκεοσ, ὦ γέρον, αὐτοκασιγνήτᾳ νύμφασ ὁμόγαμοσ κυρεῖ; ὡσ ἀλλόχρωσ ὅπλοισι, μειξοβάρβαροσ. σακεσφόροι γὰρ πάντεσ Αἰτωλοί, τέκνον, λόγχαισ τ’ ἀκοντιστῆρεσ εὐστοχώτατοι. σὺ δ’, ὦ γέρον, πῶσ αἰσθάνῃ σαφῶσ τάδε; σημεῖ’ ἰδὼν τότ’ ἀσπίδων ἐγνώρισα, σπονδὰσ ὅτ’ ἦλθον σῷ κασιγνήτῳ φέρων ἃ προσδεδορκὼσ οἶδα τοὺσ ὡπλισμένουσ.

상위

Phoenissae

목록

일치하는 문장이 없습니다.

SEARCH

MENU NAVIGATION