헬라어 문장 검색 - ΕυριπίΠηοενισ́01́0́06́

(에우리피데스, Phoenissae, episode 6:)

τὼ δ’ ἐσ φόβον πεσόντε, μὴ τελεσφόρουσ εὐχὰσ θεοὶ κραίνωσιν οἰκούντων ὁμοῦ, ξυμβάντ’ ἔταξαν τὸν νεώτερον πάροσ φεύγειν ἑκόντα τήνδε Πολυνείκη χθόνα, Ἐτεοκλέα δὲ σκῆπτρ’ ἔχειν μένοντα γῆσ, ἐνιαυτὸν ἀλλάσσοντε. πάντα δ’ ἐξειδὼσ φράσω ἅ τ’ εἶδον εἰσήκουσά τ’ Ἀργείων πάρα, σπονδὰσ ὅτ’ ἦλθον σῷ κασιγνήτῳ φέρων ἐνθένδ’ ἐκεῖσε, δεῦρό τ’ αὖ κείνων πάρα. ἐπεὶ δ’ ἐπὶ ζυγοῖσ καθέζετ’ ἀρχῆσ, οὐ μεθίσταται θρόνων, φυγάδα δ’ ἀπωθεῖ τῆσδε Πολυνείκη χθονόσ. ὃ δ’ Ἄργοσ ἐλθών, κῆδοσ Ἀδράστου λαβών, πολλὴν ἀθροίσασ ἀσπίδ’ Ἀργείων ἄγει· ἐπ’ αὐτὰ δ’ ἐλθὼν ἑπτάπυλα τείχη τάδε, πατρῷ’ ἀπαιτεῖ σκῆπτρα καὶ μέρη χθονόσ. ἐγὼ δ’ ἔριν λύουσ’ ὑπόσπονδον μολεῖν ἔπεισα παιδὶ παῖδα πρὶν ψαῦσαι δορόσ. ἥξειν δ’ ὁ πεμφθείσ φησιν αὐτὸν ἄγγελοσ. ἀλλ’, ὦ φαεννὰσ οὐρανοῦ ναίων πτυχὰσ Ζεῦ, σῶσον ἡμᾶσ, δὸσ δὲ σύμβασιν τέκνοισ. χρὴ δ’, εἰ σοφὸσ πέφυκασ, οὐκ ἐᾶν βροτὸν τὸν αὐτὸν αἰεὶ δυστυχῆ καθεστάναι. ὦ κλεινὸν οἴκοισ Ἀντιγόνη θάλοσ πατρί, ἐπεί σε μήτηρ παρθενῶνασ ἐκλιπεῖν μεθῆκε μελάθρων ἐσ διῆρεσ ἔσχατον στράτευμ’ ἰδεῖν Ἀργεῖον ἱκεσίαισι σαῖσ, ἐπίσχεσ, ὡσ ἂν προυξερευνήσω στίβον, μή τισ πολιτῶν ἐν τρίβῳ φαντάζεται, κἀμοὶ μὲν ἔλθῃ φαῦλοσ ὡσ δούλῳ ψόγοσ, σοὶ δ’ ὡσ ἀνάσσῃ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode 6:

(에우리피데스, Phoenissae, episode 6:)

상위

목록

SEARCH

MENU NAVIGATION