헬라어 문장 검색 - ΕυριπίΠηοενισ́01́0́03́

(에우리피데스, Phoenissae, episode 3:)

ἤδη δὲ πυρσαῖσ γένυσιν ἐξανδρούμενοσ παῖσ οὑμὸσ ἢ γνοὺσ ἤ τινοσ μαθὼν πάρα ἔστειχε τοὺσ φύσαντασ ἐκμαθεῖν θέλων πρὸσ δῶμα Φοίβου, Λάιόσ θ’, οὑμὸσ πόσισ, τὸν ἐκτεθέντα παῖδα μαστεύων μαθεῖν εἰ μηκέτ’ εἰή. καὶ ξυνάπτετον πόδα ἐσ ταὐτὸν ἄμφω Φωκίδοσ σχιστῆσ ὁδοῦ. καί νιν κελεύει Λαί̈ου τροχηλάτησ· ὦ ξένε, τυράννοισ ἐκποδὼν μεθίστασο. ὃ δ’ εἱρ͂π’ ἄναυδοσ, μέγα φρονῶν. πῶλοι δέ νιν χηλαῖσ τένοντασ ἐξεφοίνισσον ποδῶν. ὅθεν ‐ τί τἀκτὸσ τῶν κακῶν με δεῖ λέγειν; ‐ παῖσ πατέρα καίνει καὶ λαβὼν ὀχήματα Πολύβῳ τροφεῖ δίδωσιν. ὡσ δ’ ἐπεζάρει Σφὶγξ ἁρπαγαῖσι πόλιν ἐμόσ τ’ οὐκ ἦν πόσισ, Κρέων ἀδελφὸσ τἀμὰ κηρύσσει λέχη, ὅστισ σοφῆσ αἴνιγμα παρθένου μάθοι, τούτῳ ξυνάψειν λέκτρα. τυγχάνει δέ πωσ μούσασ ἐμὸσ παῖσ Οἰδίπουσ Σφιγγὸσ μαθών· ὅθεν τύραννοσ τῆσδε γῆσ καθίσταται καὶ σκῆπτρ’ ἔπαθλα τῆσδε λαμβάνει χθονόσ. γαμεῖ δὲ τὴν τεκοῦσαν οὐκ εἰδὼσ τάλασ οὐδ’ ἡ τεκοῦσα παιδὶ συγκοιμωμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode 3:

(에우리피데스, Phoenissae, episode 3:)

상위

목록

SEARCH

MENU NAVIGATION