Euripides, episode, trochees

(에우리피데스, episode, trochees)

ποῦ ’στιν οὗτοσ ὃσ πέφευγεν ἐκ δόμων τοὐμὸν ξίφοσ; προσκυνῶ σ’, ἄναξ, νόμοισι βαρβάροισι προσπίτνων. οὐκ ἐν Ἰλίῳ τάδ’ ἐστίν, ἀλλ’ ἐν Ἀργείᾳ χθονί. πανταχοῦ ζῆν ἡδὺ μᾶλλον ἢ θανεῖν τοῖσ σώφροσιν. οὔτι που κραυγὴν ἔθηκασ Μενέλεῳ βοηδρομεῖν; σοὶ μὲν οὖν ἔγωγ’ ἀμύνειν· ἀξιώτεροσ γὰρ εἶ. ἐνδίκωσ ἡ Τυνδάρειοσ ἆρα παῖσ διώλετο; ἐνδικώτατ’, εἴ γε λαιμοὺσ εἶχε τριπτύχουσ θανεῖν. δειλίᾳ γλώσσῃ χαρίζῃ, τἄνδον οὐχ οὕτω φρονῶν. οὐ γάρ, ἥτισ Ἑλλάδ’ αὐτοῖσ Φρυξὶ διελυμήνατο; ὄμοσον ‐ εἰ δὲ μή, κτενῶ σε ‐ μὴ λέγειν ἐμὴν χάριν. τὴν ἐμὴν ψυχὴν κατώμοσ’, ἣν ἂν εὐορκοῖμ’ ἐγώ. ὧδε κἀν Τροίᾳ σίδηροσ πᾶσι Φρυξὶν ἦν φόβοσ; ἄπεχε φάσγανον· πέλασ γὰρ δεινὸν ἀνταυγεῖ φόνον. μὴ πέτροσ γένῃ δέδοικασ ὥστε Γοργόν’ εἰσιδών; μὴ μὲν οὖν νεκρόσ· τὸ Γοργοῦσ δ’ οὐ κάτοιδ’ ἐγὼ κάρα. δοῦλοσ ὢν φοβῇ τὸν Αἵδην, ὅσ σ’ ἀπαλλάξει κακῶν; πᾶσ ἀνήρ, κἂν δοῦλοσ ᾖ τισ, ἥδεται τὸ φῶσ ὁρῶν. εὖ λέγεισ· σῴζει σε σύνεσισ. ἀλλὰ βαῖν’ ἔσω δόμων. οὐκ ἄρα κτενεῖσ με; ἀφεῖσαι. καλὸν ἔποσ λέγεισ τόδε. ἀλλὰ μεταβουλευσόμεσθα. τοῦτο δ’ οὐ καλῶσ λέγεισ. μῶροσ, εἰ δοκεῖσ με τλῆναι σὴν καθαιμάξαι δέρην· οὔτε γὰρ γυνὴ πέφυκασ ‐ οὔτ’ ἐν ἀνδράσιν σύ γ’ εἶ. τοῦ δὲ μὴ στῆσαί σε κραυγὴν οὕνεκ’ ἐξῆλθον δόμων· ὀξὺ γὰρ βοῆσ ἀκοῦσαν Ἄργοσ ἐξεγείρεται. Μενέλεων δ’ οὐ τάρβοσ ἡμῖν ἀναλαβεῖν ἔσω ξίφουσ· ἀλλ’ ἴτω ξανθοῖσ ἐπ’ ὤμων βοστρύχοισ γαυρούμενοσ· εἰ γὰρ Ἀργείουσ ἐπάξει τοῖσδε δώμασιν λαβών, τὸν Ἑλένησ φόνον διώκων, κἀμὲ μὴ σῴζειν θέλει σύγγονόν τ’ ἐμὴν Πυλάδην τε τὸν τάδε ξυνδρῶντά μοι, παρθένον τε καὶ δάμαρτα δύο νεκρὼ κατόψεται.

목록

일치하는 문장이 없습니다.

SEARCH

MENU NAVIGATION