Euripides, episode, lyric 2:

(에우리피데스, episode, lyric 2:)

σὺ δ’ ἦσθα ποῦ τότ’; ἢ πάλαι φεύγεισ φόβῳ, Φρυγίοισ ἔτυχον Φρυγίοισι νόμοισ παρὰ βόστρυχον αὔραν αὔραν Ἑλένασ Ἑλένασ εὐπαγεῖ κύκλῳ πτερίνῳ πρὸ παρηίδοσ ἀίσσων βαρβάροισ νόμοισιν. ἃ δὲ λίνον ἠλακάτᾳ δακτύλοισ ἕλισσεν, νῆμα δ’ ἱέτο πέδῳ, σκύλων Φρυγίων ἐπὶ τύμβον ἀγάλ‐ ματα συστολίσαι χρῄζουσα λίνῳ, φάρεα πορφύρεα, δῶρα Κλυταιμήστρᾳ. προσεῖπεν δ’ Ὀρέστασ Λάκαιναν κόραν· ὦ Διὸσ παῖ, θὲσ ἴχνοσ πέδῳ δεῦρ’ ἀποστᾶσα κλισμοῦ, Πέλοποσ ἐπὶ προπάτοροσ ἕδραν παλαιᾶσ ἑστίασ, ἵν’ εἰδῇσ λόγουσ ἐμούσ. ‐ ἄγει δ’ ἄγει νιν· ἃ δ’ ἐφείπετ’, οὐ πρόμαντισ ὧν ἔμελλεν· ὁ δὲ συνεργὸσ ἄλλ’ ἔπρασσ’ ἰὼν κακὸσ Φωκεύσ· οὐκ ἐκποδὼν ἴτ’; ἀλλ’ ἀεὶ κακοὶ Φρύγεσ. ἔκλῃσε δ’ ἄλλον ἄλλοσ’ ἐν στέγαισι· τοὺσ μὲν ἐν σταθμοῖ‐ σιν ἱππικοῖσι, τοὺσ δ’ ἐν ἐξ‐ έδραισι, τοὺσ δ’ ἐκεῖσ’ ἐκεῖθεν ἄλλον ἄλ‐ λοσε διαρμόσασ ἀποπρὸ δεσποίνασ. τί τοὐπὶ τῷδε συμφορᾶσ ἐγίγνετο; Ἰδαία μᾶτερ μᾶτερ ὀβρίμα ὀβρίμα, αἰαὶ φονίων παθέων ἀνόμων τε κακῶν ἅπερ ἔδρακον ἔδρακον ἐν δόμοισ τυράννων. ἀμφιπορφυρέων πέπλων ὑπὸ σκότου ξίφη σπάσα‐ ντεσ ἄλλοσ ἄλλοσ’ ἐν χεροῖν δίνασεν ὄμμα, μή τισ παρὼν τύχοι. ὡσ κάπροι δ’ ὀρέστεροι γυ‐ ναικὸσ ἀντίοι σταθέντεσ ἐννέπουσι· Κατθανῇ κατθανῇ, κακόσ σ’ ἀποκτείνει πόσισ, κασιγνήτου προδοὺσ ἐν Ἄργει θανεῖν γόνον. ἃ δ’ ἀνίαχεν ἴ‐ αχεν· Ὤμοι μοι. λευκὸν δ’ ἐμβαλοῦσα πῆχυν στέρνοισ κτύπησε κρᾶτα μέλεον πλαγᾷ· φυγᾷ δὲ ποδὶ τὸ χρυσεοσάνδαλον ἴχνοσ ἔφερεν ἔφερεν· ἐσ κόμασ δὲ δακτύλουσ δικὼν Ὀρέστασ, Μυκηνίδ’ ἀρβύλαν προβάσ, ὤμοισ ἀριστεροῖσιν ἀνακλάσασ δέρην, παίειν λαιμῶν ἔμελ‐ λεν εἴσω μέλαν ξίφοσ.

목록

일치하는 문장이 없습니다.

SEARCH

MENU NAVIGATION