Euripides, episode, lyric

Ἀργέϊον ξίφοσ ἐκ θανάτου πέφευγα βαρβάροισ ἐν εὐμάρι‐ σιν, κεδρωτὰ παστάδων ὑπὲρ τέραμνα Δωρικάσ τε τριγλύφουσ, φροῦδα φροῦδα, γᾶ γᾶ, βαρβάροισι δρασμοῖσ. αἰαῖ· πᾷ φύγω, ξέναι, πολιὸν αἰθέρ’ ἀμ‐ πτάμενοσ ἢ πόντον, Ὠκεανὸσ ὃν ταυρόκρανοσ ἀγκάλαισ ἑλίσσων κυκλοῖ χθόνα; τί δ’ ἔστιν, Ἑλένησ πρόσπολ’. Ἰδαῖον κάρα; Ἴλιον Ἴλιον, ὤμοι μοι, Φρύγιον ἄστυ καὶ καλλίβωλον Ἴ‐ δασ ὄροσ ἱερόν, ὥσ σ’ ὀλόμενον στένω ἁρμάτειον ἁρμάτειον μέλοσ βαρβάρῳ βοᾷ δι’ ὀρνιθόγονον ὄμμα κυκνοπτέρου καλλοσύνασ, Λήδασ σκύμνου, δυσελένασ δυσελένασ, ξεστῶν περγάμων Ἀπολλωνίων ἐρινύν· ὀττοτοῖ· ἰαλέμων ἰαλέμων Δαρδανία τλᾶμον Γανυμήδεοσ ἱπποσύνᾳ, Διὸσ εὐνέτα.