Euripides, episode, iambic

(에우리피데스, episode, iambic)

σιγᾶτε σιγᾶτ’· ᾐσθόμην κτύπου τινὸσ κέλευθον ἐσπεσόντοσ ἀμφὶ δώματα. ὦ φίλταται γυναῖκεσ, ἐσ μέσον φόνον ἥδ’ Ἑρμιόνη πάρεστι· παύσωμεν βοήν. στείχει γὰρ ἐσπεσοῦσα δικτύων βρόχουσ. καλὸν τὸ θήραμ’, ἢν ἁλῷ, γενήσεται. πάλιν κατάστηθ’ ἡσύχῳ μὲν ὄμματι, χρόᾳ δ’ ἀδήλῳ τῶν δεδραμένων πέρι· κἀγὼ σκυθρωποὺσ ὀμμάτων ἕξω κόρασ, ὡσ δῆθεν οὐκ εἰδυῖα τἀξειργασμένα. ὦ παρθέν’, ἥκεισ τὸν Κλυταιμήστρασ τάφον στέψασα καὶ σπείσασα νερτέροισ χοάσ; ἥκω, λαβοῦσα πρευμένειαν. ἀλλά μοι φόβοσ τισ εἰσελήλυθ’, ἥντιν’ ἐν δόμοισ τηλουρὸσ οὖσα δωμάτων κλύω βοήν. τί δ’; ἄξι’ ἡμῖν τυγχάνει στεναγμάτων. εὔφημοσ ἴσθι· τί δὲ νεώτερον λέγεισ; θανεῖν Ὀρέστην κἄμ’ ἔδοξε τῇδε γῇ. μὴ δῆτ’, ἐμοῦ γε συγγενεῖσ πεφυκότασ. ἄραρ’· ἀνάγκησ δ’ ἐσ ζυγὸν καθέσταμεν. ἦ τοῦδ’ ἕκατι καὶ βοὴ κατὰ στέγασ; ἱκέτησ γὰρ Ἑλένησ γόνασι προσπεσὼν βοᾷ ‐ τίσ; οὐδὲν οἶδα μᾶλλον, ἢν σὺ μὴ λέγῃσ. τλήμων Ὀρέστησ· μὴ θανεῖν, ἐμοῦ θ’ ὕπερ. ἐπ’ ἀξίοισί τἄρ’ ἀνευφημεῖ δόμοσ. περὶ τοῦ γὰρ ἄλλου μᾶλλον ἂν φθέγξαιτό τισ; ἀλλ’ ἐλθὲ καὶ μετάσχεσ ἱκεσίασ φίλοισ, σῇ μητρὶ προσπεσοῦσα τῇ μέγ’ ὀλβίᾳ, Μενέλαον ἡμᾶσ μὴ θανόντασ εἰσιδεῖν. ἀλλ’, ὦ τραφεῖσα μητρὸσ ἐν χεροῖν ἐμῆσ, οἴκτιρον ἡμᾶσ κἀπικούφισον κακῶν. ἴθ’ εἰσ ἀγῶνα δεῦρ’, ἐγὼ δ’ ἡγήσομαι· σωτηρίασ γὰρ τέρμ’ ἔχεισ ἡμῖν μόνη. ἰδού, διώκω τὸν ἐμὸν ἐσ δόμουσ πόδα. σώθηθ’ ὅσον γε τοὐπ’ ἐμέ. ὦ κατὰ στέγασ φίλοι ξιφήρεισ, οὐχὶ συλλήψεσθ’ ἄγραν; οἲ ἐγώ· τίνασ τούσδ’ εἰσορῶ; σιγᾶν χρεών· ἡμῖν γὰρ ἥκεισ, οὐχὶ σοί, σωτηρία. ἔχεσθ’ ἔχεσθε· φάσγανον δὲ πρὸσ δέρῃ βάλλοντεσ ἡσυχάζεθ’, ὡσ εἰδῇ τόδε Μενέλαοσ, οὕνεκ’ ἄνδρασ, οὐ Φρύγασ κακούσ, εὑρὼν ἔπραξεν οἱᾶ χρὴ πράσσειν κακούσ.

목록

일치하는 문장이 없습니다.

SEARCH

MENU NAVIGATION