헬라어 문장 검색 - ΕυριπίΟρεστεσ́11́2́00́

(에우리피데스, episode, iambic)

σιγᾶτε σιγᾶτ’· ᾐσθόμην κτύπου τινὸσ κέλευθον ἐσπεσόντοσ ἀμφὶ δώματα. ὦ φίλταται γυναῖκεσ, ἐσ μέσον φόνον ἥδ’ Ἑρμιόνη πάρεστι· παύσωμεν βοήν. στείχει γὰρ ἐσπεσοῦσα δικτύων βρόχουσ. καλὸν τὸ θήραμ’, ἢν ἁλῷ, γενήσεται. πάλιν κατάστηθ’ ἡσύχῳ μὲν ὄμματι, χρόᾳ δ’ ἀδήλῳ τῶν δεδραμένων πέρι· κἀγὼ σκυθρωποὺσ ὀμμάτων ἕξω κόρασ, ὡσ δῆθεν οὐκ εἰδυῖα τἀξειργασμένα. ὦ παρθέν’, ἥκεισ τὸν Κλυταιμήστρασ τάφον στέψασα καὶ σπείσασα νερτέροισ χοάσ; ἥκω, λαβοῦσα πρευμένειαν. ἀλλά μοι φόβοσ τισ εἰσελήλυθ’, ἥντιν’ ἐν δόμοισ τηλουρὸσ οὖσα δωμάτων κλύω βοήν. τί δ’; ἄξι’ ἡμῖν τυγχάνει στεναγμάτων. εὔφημοσ ἴσθι· τί δὲ νεώτερον λέγεισ; θανεῖν Ὀρέστην κἄμ’ ἔδοξε τῇδε γῇ. μὴ δῆτ’, ἐμοῦ γε συγγενεῖσ πεφυκότασ. ἄραρ’· ἀνάγκησ δ’ ἐσ ζυγὸν καθέσταμεν. ἦ τοῦδ’ ἕκατι καὶ βοὴ κατὰ στέγασ; ἱκέτησ γὰρ Ἑλένησ γόνασι προσπεσὼν βοᾷ ‐ τίσ; οὐδὲν οἶδα μᾶλλον, ἢν σὺ μὴ λέγῃσ. τλήμων Ὀρέστησ· μὴ θανεῖν, ἐμοῦ θ’ ὕπερ. ἐπ’ ἀξίοισί τἄρ’ ἀνευφημεῖ δόμοσ. περὶ τοῦ γὰρ ἄλλου μᾶλλον ἂν φθέγξαιτό τισ; ἀλλ’ ἐλθὲ καὶ μετάσχεσ ἱκεσίασ φίλοισ, σῇ μητρὶ προσπεσοῦσα τῇ μέγ’ ὀλβίᾳ, Μενέλαον ἡμᾶσ μὴ θανόντασ εἰσιδεῖν. ἀλλ’, ὦ τραφεῖσα μητρὸσ ἐν χεροῖν ἐμῆσ, οἴκτιρον ἡμᾶσ κἀπικούφισον κακῶν. ἴθ’ εἰσ ἀγῶνα δεῦρ’, ἐγὼ δ’ ἡγήσομαι· σωτηρίασ γὰρ τέρμ’ ἔχεισ ἡμῖν μόνη. ἰδού, διώκω τὸν ἐμὸν ἐσ δόμουσ πόδα. σώθηθ’ ὅσον γε τοὐπ’ ἐμέ. ὦ κατὰ στέγασ φίλοι ξιφήρεισ, οὐχὶ συλλήψεσθ’ ἄγραν; οἲ ἐγώ· τίνασ τούσδ’ εἰσορῶ; σιγᾶν χρεών· ἡμῖν γὰρ ἥκεισ, οὐχὶ σοί, σωτηρία. ἔχεσθ’ ἔχεσθε· φάσγανον δὲ πρὸσ δέρῃ βάλλοντεσ ἡσυχάζεθ’, ὡσ εἰδῇ τόδε Μενέλαοσ, οὕνεκ’ ἄνδρασ, οὐ Φρύγασ κακούσ, εὑρὼν ἔπραξεν οἱᾶ χρὴ πράσσειν κακούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode, iambic

(에우리피데스, episode, iambic)

목록

SEARCH

MENU NAVIGATION