Euripides, episode, anapests 4:

(에우리피데스, episode, anapests 4:)

Ἑλένην κτάνωμεν, Μενέλεῳ λύπην πικράν. πῶσ; τὸ γὰρ ἕτοιμον ἔστιν, εἴ γ’ ἔσται καλῶσ. σφάξαντεσ. ἐν δόμοισ δὲ κρύπτεται σέθεν. μάλιστα· καὶ δὴ πάντ’ ἀποσφραγίζεται. ἀλλ’ οὐκέθ’, Αἵδην νυμφίον κεκτημένη. καὶ πῶσ; ἔχει γὰρ βαρβάρουσ ὀπάονασ. τίνασ; Φρυγῶν γὰρ οὐδέν’ ἂν τρέσαιμ’ ἐγώ. οἱούσ ἐνόπτρων καὶ μύρων ἐπιστάτασ. τρυφὰσ γὰρ ἥκει δεῦρ’ ἔχουσα Τρωικάσ; ὥσθ’ Ἑλλὰσ αὐτῇ σμικρὸν οἰκητήριον. οὐδὲν τὸ δοῦλον πρὸσ τὸ μὴ δοῦλον γένοσ. καὶ μὴν τόδ’ ἔρξασ δὶσ θανεῖν οὐχ ἅζομαι. ἀλλ’ οὐδ’ ἐγὼ μήν, σοί γε τιμωρούμενοσ. τὸ πρᾶγμα δήλου καὶ πέραιν’, ὅπωσ λέγεισ. ἔσιμεν ἐσ οἴκουσ δῆθεν ὡσ θανούμενοι. ἔχω τοσοῦτον, τἀπίλοιπα δ’ οὐκ ἔχω. γόουσ πρὸσ αὐτὴν θησόμεσθ’ ἃ πάσχομεν. ὥστ’ ἐκδακρῦσαί γ’ ἔνδοθεν κεχαρμένην. καὶ νῷν παρέσται ταῦθ’ ἅπερ κείνῃ τότε. ἔπειτ’ ἀγῶνα πῶσ ἀγωνιούμεθα; κρύπτ’ ἐν πέπλοισι τοισίδ’ ἕξομεν ξίφη. πρόσθεν δ’ ὀπαδῶν τίσ ὄλεθροσ γενήσεται; ἐκκλῄσομεν σφᾶσ ἄλλον ἄλλοσε στέγησ. καὶ τόν γε μὴ σιγῶντ’ ἀποκτείνειν χρεών. εἶτ’ αὐτὸ δηλοῖ τοὔργον οἷ τείνειν χρεών. Ἑλένην φονεύειν· μανθάνω τὸ σύμβολον. ἔγνωσ· ἄκουσον δ’ ὡσ καλῶσ βουλεύομαι. εἰ μὲν γὰρ ἐσ γυναῖκα σωφρονεστέραν ξίφοσ μεθεῖμεν, δυσκλεὴσ ἂν ἦν φόνοσ· νῦν δ’ ὑπὲρ ἁπάσησ Ἑλλάδοσ δώσει δίκην, ὧν πατέρασ ἔκτειν’, ὧν δ’ ἀπώλεσεν τέκνα, νύμφασ τ’ ἔθηκεν ὀρφανὰσ ξυναόρων. ὀλολυγμὸσ ἔσται, πῦρ τ’ ἀνάψουσιν θεοῖσ, σοὶ πολλὰ κἀμοὶ κέδν’ ἀρώμενοι τυχεῖν, κακῆσ γυναικὸσ οὕνεχ’ αἷμ’ ἐπράξαμεν. ὁ μητροφόντησ δ’ οὐ καλῇ ταύτην κτανών, ἀλλ’ ἀπολιπὼν τοῦτ’ ἐπὶ τὸ βέλτιον πεσῇ, Ἑλένησ λεγόμενοσ τῆσ πολυκτόνου φονεύσ. οὐ δεῖ ποτ’, οὐ δεῖ, Μενέλεων μὲν εὐτυχεῖν, τὸν σὸν δὲ πατέρα καὶ σὲ κἀδελφὴν θανεῖν, μητέρα τε ‐ ἐῶ τοῦτ’· οὐ γὰρ εὐπρεπὲσ λέγειν ‐ δόμουσ δ’ ἔχειν σοὺσ δι’ Ἀγαμέμνονοσ δόρυ λαβόντα νύμφην· μὴ γὰρ οὖν ζῴην ἔτι, ἢν μὴ ’π’ ἐκείνῃ φάσγανον σπασώμεθα. ἢν δ’ οὖν τὸν Ἑλένησ μὴ κατάσχωμεν φόνον, πρήσαντεσ οἴκουσ τούσδε κατθανούμεθα. ἑνὸσ γὰρ οὐ σφαλέντεσ ἕξομεν κλέοσ, καλῶσ θανόντεσ ἢ καλῶσ σεσῳσμένοι. πάσαισ γυναιξὶν ἀξία στυγεῖν ἔφυ ἡ Τυνδαρὶσ παῖσ, ἣ κατῄσχυνεν γένοσ.

목록

일치하는 문장이 없습니다.

SEARCH

MENU NAVIGATION