Euripides, choral, antistrophe 1

ἰὼ Ζεῦ, τίσ ἔλεοσ, τίσ ὅδ’ ἀγὼν φόνιοσ ἔρχεται, θοάζων σε τὸν μέλεον, ᾧ δάκρυα δάκρυσι συμβάλλει πορεύων τισ ἐσ δόμον ἀλαστόρων ματέροσ αἷμα σᾶσ, ὅ σ’ ἀναβακχεύει; ὁ μέγασ ὄλβοσ οὐ μόνιμοσ ἐν βροτοῖσ· κατολοφύρομαι κατολοφύρομαι. ἀνὰ δὲ λαῖφοσ ὥσ τισ ἀκάτου θοᾶσ τινάξασ δαίμων κατέκλυσεν δεινῶν πόνων ὡσ πόντου λάβροισ ὀλεθρίοισιν ἐν κύμασιν. τίνα γὰρ ἔτι πάροσ οἶκον ἕτερον ἢ τὸν ἀπὸ θεογόνων γάμων, τὸν ἀπὸ Ταντάλου, σέβεσθαί με χρή;