αἰαῖ, δρομάδεσ ὦ πτεροφόροι ποτνιάδεσ θεαί, ἀβάκχευτον αἳ θίασον ἐλάχετ’ ἐν δάκρυσι καὶ γόοισ, μελάγχρωτεσ εὐμενίδεσ, αἵτε τὸν ταναὸν αἰθέρ’ ἀμπάλλεσθ’, αἵματοσ τινύμεναι δίκαν, τινύμεναι φόνον, καθικετεύομαι καθικετεύομαι, τὸν Ἀγαμέμνονοσ γόνον ἐάσατ’ ἐκλαθέσθαι λύσσασ μανιάδοσ φοιταλέου. φεῦ μόχθων, οἱών, ὦ τάλασ, ὀρεχθεὶσ ἔρρεισ, τρίποδοσ ἄπο φάτιν, ἃν ὁ Φοῖβοσ ἔλακε, δε‐ ξάμενοσ ἀνὰ δάπεδον, ἵνα μεσόμφαλοι λέγονται μυχοί.
