헬라어 문장 검색 - ΕυριπίΙπηιγεν

(에우리피데스, Iphigenia in Tauris, episode 7:)

οἳ δὲ στεναγμὸν ἡδὺν ἐκβρυχώμενοι ἔπαισαν ἅλμην. ναῦσ δ’, ἑώσ μὲν ἐντὸσ ἦν λιμένοσ, ἐχώρει στόμια, διαπερῶσα δὲ λάβρῳ κλύδωνι συμπεσοῦσ’ ἠπείγετο· δεινὸσ γὰρ ἐλθὼν ἄνεμοσ ἐξαίφνησ νεὼσ ὠθεῖ παλίμπρυμν’ ἱστί’· οἳ δ’ ἐκαρτέρουν πρὸσ κῦμα λακτίζοντεσ· ἐσ δὲ γῆν πάλιν κλύδων παλίρρουσ ἦγε ναῦν. σταθεῖσα δὲ Ἀγαμέμνονοσ παῖσ ηὔξατ’· ὦ Λητοῦσ κόρη σῷσόν με τὴν σὴν ἱερέαν πρὸσ Ἑλλάδα ἐκ βαρβάρου γῆσ καὶ κλοπαῖσ σύγγνωθ’ ἐμαῖσ. φιλεῖσ δὲ καὶ σὺ σὸν κασίγνητον, θεά· φιλεῖν δὲ κἀμὲ τοὺσ ὁμαίμονασ δόκει. ναῦται δ’ ἐπευφήμησαν εὐχαῖσιν κόρησ παιᾶνα, γυμνὰσ ἐκ <πέπλων> ἐπωμίδασ κώπῃ προσαρμόσαντεσ ἐκ κελεύσματοσ. μᾶλλον δὲ μᾶλλον πρὸσ πέτρασ ᾔει σκάφοσ· χὣ μέν τισ ἐσ θάλασσαν ὡρμήθη ποσίν, ἄλλοσ δὲ πλεκτὰσ ἐξανῆπτεν ἀγκύλασ. κἀγὼ μὲν εὐθὺσ πρὸσ σὲ δεῦρ’ ἀπεστάλην, σοὶ τὰσ ἐκεῖθεν σημανῶν, ἄναξ, τύχασ. ἀλλ’ ἑρ́πε, δεσμὰ καὶ βρόχουσ λαβὼν χεροῖν· εἰ μὴ γὰρ οἶδμα νήνεμον γενήσεται, οὐκ ἔστιν ἐλπὶσ τοῖσ ξένοισ σωτηρίασ. πόντου δ’ ἀνάκτωρ Ἴλιόν τ’ ἐπισκοπεῖ σεμνὸσ Ποσειδῶν, Πελοπίδαισ ἐναντίοσ, καὶ νῦν παρέξει τὸν Ἀγαμέμνονοσ γόνον σοὶ καὶ πολίταισ, ὡσ ἐοίκεν, ἐν χεροῖν λαβεῖν, ἀδελφήν θ’, ἣ φόνον τὸν Αὐλίδι ἀμνημόνευτον θεᾷ προδοῦσ’ ἁλίσκεται. ὦ τλῆμον Ἰφιγένεια, συγγόνου μέτα θανῇ πάλιν μολοῦσα δεσποτῶν χέρασ. ὦ πάντεσ ἀστοὶ τῆσδε βαρβάρου χθονόσ, οὐκ εἰᾶ πώλοισ ἐμβαλόντεσ ἡνίασ παράκτιοι δραμεῖσθε κἀκβολὰσ νεὼσ Ἑλληνίδοσ δέξεσθε, σὺν δὲ τῇ θεῷ σπεύδοντεσ ἄνδρασ δυσσεβεῖσ θηράσετε, οἳ δ’ ὠκυπομποὺσ ἕλξετ’ ἐσ πόντον πλάτασ; ὡσ ἐκ θαλάσσησ ἔκ τε γῆσ ἱππεύμασι λαβόντεσ αὐτοὺσ ἢ κατὰ στύφλου πέτρασ ῥίψωμεν, ἢ σκόλοψι πήξωμεν δέμασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, Iphigenia in Tauris, episode 7:

(에우리피데스, Iphigenia in Tauris, episode 7:)

상위

목록

SEARCH

MENU NAVIGATION