Euripides, Iphigenia in Tauris, episode 5:

(에우리피데스, Iphigenia in Tauris, episode 5:)

ἀλλ’ οὐδὲν ἧσσον εἰχόμεσθα τῆσ ξένησ καὶ πρὸσ σὲ ἕπεσθαι διεβιαζόμεσθά νιν· ὅθεν τὰ δεινὰ πλήγματ’ ἦν γενειάδων. κεῖνοί τε γὰρ σίδηρον οὐκ εἶχον χεροῖν ἡμεῖσ τε· πυγμαί τ’ ἦσαν ἐγκροτούμεναι, καὶ κῶλ’ ἀπ’ ἀμφοῖν τοῖν νεανίαιν ἅμα ἐσ πλευρὰ καὶ πρὸσ ἧπαρ ἠκοντίζετο, ὡσ τῷ ξυνάπτειν καὶ συναποκαμεῖν μέλη. δεινοῖσ δὲ σημάντροισιν ἐσφραγισμένοι ἐφεύγομεν πρὸσ κρημνόν, οἳ μὲν ἐν κάρᾳ κάθαιμ’ ἔχοντεσ τραύμαθ’, οἳ δ’ ἐν ὄμμασιν· ὄχθοισ δ’ ἐπισταθέντεσ εὐλαβεστέρωσ ἐμαρνάμεσθα καὶ πέτρουσ ἐβάλλομεν. ἀλλ’ εἶργον ἡμᾶσ τοξόται πρύμνησ ἔπι σταθέντεσ ἰοῖσ, ὥστ’ ἀναστεῖλαι πρόσω. κἀν τῷδε ‐ δεινὸσ γὰρ κλύδων ὤκειλε ναῦν πρὸσ γῆν, φόβοσ δ’ ἦν <παρθένῳ> τέγξαι πόδα ‐ λαβὼν Ὀρέστησ ὦμον εἰσ ἀριστερόν, βὰσ ἐσ θάλασσαν κἀπὶ κλίμακοσ θορών, ἔθηκ’ ἀδελφὴν ἐντὸσ εὐσήμου νεώσ, τό τ’ οὐρανοῦ πέσημα, τῆσ Διὸσ κόρησ ἄγαλμα. ναὸσ <δ’> ἐκ μέσησ ἐφθέγξατο βοή τισ· ὦ γῆσ Ἑλλάδοσ ναῦται, νεὼσ λάβεσθε κώπαισ ῥόθιά τ’ ἐκλευκαίνετε· ἔχομεν γὰρ ὧνπερ οὕνεκ’ ἄξενον πόρον Συμπληγάδων ἔσωθεν εἰσεπλεύσαμεν.

일치하는 문장이 없습니다.

SEARCH

MENU NAVIGATION